ОРОЛБЎЙИ АҲОЛИСИНИ ЭКОЛОГИК ВАЗИЯТДАН ЭНДИ 500 МИНГ ГЕКТАРЛИК ЎРМОНЗОРЛАР МУҲОФАЗА ҚИЛАДИ
Мамлакатимизда кейинги йилларда инсон омилига эътибор ва ғамхўрлик тобора кучайтирилаётганлиги нафақат юртдошларимиз, халқаро миқёсда ҳам тан олинаяпти. Бу ҳар биримиз учун қувонарли, эртанги кунимиздан кўнглимиз хотиржам бўлишига асос бўлади, албатта. Бироқ мени кейинги йилларда Орол денгизининг тобора қуриб бораётгани муносабати билан экологик вазиятнинг тобора ёмонлашиб бораётгани жуда ташвишлантиради. Айниқса, 2018 йил ёзи бошида икки марта содир бўлган тўфон, тўфон билан ёпирилиб келган тузлар оқибатида деҳқончиликка жиддий зарар етгани кўпчиликни хавотирга солиб қўйди.
Жуда яхши эслайман, ўша тўфон содир бўлган иккала кунда ҳам нафас олганимизда ҳаво билан бирга кирган тузлар димоғимизни неча кун беҳузур қилиб юрган эди. Ногирон бўлиб туғилган гўдаклар, соғлиғида кўплаб муаммолар учраётган одамларга дуч келганимда бу хавотирим баттар кучаяр эди. Ахир бу заминда келгусида бизнинг фарзандларимиз, келгуси авлодларимиз умргузаронлик қилади. Бу бир менинг эмас, кўпчиликнинг кўнглидан ўтадиган кечинмалар.
2019 йилда амалга ошириладиган ишларнинг бош режасини белгилаб берган мамлакатимиз Президенти Ш.Мирзиёевнинг шу йил 28 декабрь кунги Олий Мажлисга тақдим этган Мурожаатномасида экологик хавфсизлик масала алоҳида эътибор берилганини эшитиб, кўнглим тоғдай кўтарилди. Айниқса, Орол денгизининг қуриган ҳудудида 500 минг гектар ерда шўрга чидамли дарахтлар кўчатлари ўтқазилишини, ўрмонзор барпо этишини эшитиб, ҳудудимизда экологик вазият яхшиланишига ишондим ва хотиржам тортдим. Чунки Орол денгизининг қуришидан энг кўп жабр кўраётган ҳам айнан бизнинг ҳудудимиз аҳолиси десам, адашган бўламан. Бу нарса айниқса, аҳоли саломатлигида намоён бўлаётиргани бор гап.
Юртбошимизнинг бу галги Мурожатномаси мамлакатимизда барча соҳаларни ҳам янада юксалтиришга хизмат қилиши билан ҳар бир юртдошимизнинг кўнглидан чуқур жой эгаллайди ва эзгу ишларга руҳлантиради.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
