Газета таҳририяти томонидан жамоатчилик экспертизаси ўтказилди

Мамлакатимизда ёш авлод таълим-тарбияси билан боғлиқ масала давлат сиёсатининг энг устувор йўналишларидан бири ҳисобланади ва бу вазифани тўлақонли амалга оширишни таъминлаш мақсадида зарур қонуний асослар яратилган. Ҳар томонлама етук ва баркамол авлодни тарбиялаб вояга етказишни кўзлаб қабул қилинаётган Президент Фармонлари, ҳукумат Қарорлари бу борадаги ишларни янада такомиллаштириш имконини яратмоқда. Шуниси эътиборга моликки, ёш авлод таълим-тарбияси билан боғлиқ Қонун лойиҳалари кенг халқ оммаси эътиборига ҳавола қилиниб, бу ҳужжатлар халқ муҳокамасидан сўнг билдирилган фикрлар билан тўлиқтирилган ҳолда ҳаётга татбиқ этилмоқда.

“Тараққиёт кўзгуси” газетаси таҳририятининг Олий Мажлис ҳузуридаги нодавлат нотижорат ташкилотлари ва фуқаролик жамиятининг бошқа институтларини қўллаб-қувватлаш жамоат фонди томонидан молиялаштирилган “Қонун лойиҳалари – жамоатчилик эътиборида” лойиҳаси доирасида ўтказилаётган тадбирларда мутахассислар, халқ вакиллари фаол иштирок этишиб, муҳокама этилаётган Қонунлар юзасидан ўз фикр-мулоҳазалари ҳамда таклифларини билдиришмоқда.

Ана шундай тадбирлардан бири жорий йилнинг 10 декабрь санасида Амударё хизмат кўрсатиш ва сервис касб-ҳунар коллежи биносида ўтказилди.

Ўзбекистон Pеспублиаси норматив-ҳуқуқий ҳужжатларнинг муҳокамаси порталида эълон қилинган норматив-ҳуқуқий ҳужжат лойиҳасининг фуқаролар, юридик шахслар ҳуқуқлари ва қонуний манфаатларига, жамият манфаатларига мувофиқлигини аниқлаш учун ўрганиш ҳамда баҳолаш мақсадида жамоатчилик экспертизасини амалга оширишга бағишланган тадбирда Ўзбекистон Pеспубликаси Вазирлар Маҳкамасининг “Мактабгача таълим муассасаларида соғлом овқатлантириш тизимини такомиллаштириш тўғрисида”ги Қарори лойиҳаси муҳокама этилди.

Қарор лойиҳаси муҳокамасига бағишланган мазкур тадбирда туман мактабгача таълим муассасалари бўлими мутахассислари, МТМ мудирлари, туманда фаолият олиб бораётган сиёсий партиялар вакиллари, фуқароларнинг ўзини-ўзи бошқариш органлари раислари ҳамда ОАВ ходимлари иштирок этдилар.

Тадбирни “Тараққиёт кўзгуси” газетаси бош муҳаррири Ғ.Ешниёзов очди ва тадбирдан кўзланаётган мақсад ҳамда Ўзбекистон Pеспубликаси Вазирлар Маҳкамасининг “Мактабгача таълим муассасаларида соғлом овқатлантириш тизимини такомиллаштириш тўғрисида”ги Қарори лойиҳасида илгари сурилган масалаларнинг ёш авлод таълим-тарбиясидаги аҳамияти ҳақида қисқача тўхталди.

Шундан сўнг “Тараққиёт кўзгуси” газетаси махсус мухбири Озода Худойберганова тадбир иштирокчиларини муҳокама қилинаётган Қарор лойиҳасининг мазмун-моҳияти билан батафсил таништирди.

Тадбирда 40-сонли МТМ мудираси Шарифа Сайитова, туман МТМ бўлими мудири Ўктам Қўшназаров, Янгиобод МФЙ раиси Зебо Pажабова “Тараққиёт кўзгуси” газетаси махсус мухбири Pобия Йўлдошева, ЎзЛиДеП туман Кенгаши раиси Муқаддас Бекназарова, 2-сонли МТМ мудираси Муҳаббат Худойбергановалар Қарор лойиҳаси юзасидан ўз фикрларини билдирдилар.

Мактабгача таълим муассасаларида тарбияланаётган болаларни соғлом овқатлантириш бўйича Қарор лойиҳасида кўрсатилган ҳар иккала усул, яъни, биринчиси, Мактабгача таълим муассасаларидаги ошхоналар орқали соғлом овқатлантиришни ташкил этиш, иккинчиси, соғлом овқатлантиришни аутсорсинг усулида, яъни тадбиркорлар томонидан шартнома асосида ташкил этишда маҳаллий шарт-шароитлардан келиб чиқиб соғлом овқатлантиришни ташкил қилиш зарурлигини таъкидладилар.

Қонун лойиҳасига билдирилган таклифлар Ўзбекистон Pеспублиаси норматив-ҳуқуқий ҳужжатларнинг муҳокамаси портали орқали лойиҳа муаллифи – Ўзбекистон Pеспубликаси Мактабгача таълим вазирлигига юборилди.