ЎҚУВ-ИШЛАБ ЧИҚАРИШ МАЖМУАСИДА ЎҚУВЧИЛАРГА КАСБИЙ ТАЪЛИМ БЕРИЛАДИ
Мамлакатимиз умумий ўрта таълим тизимида мактаб ўқувчиларининг нафақат назарий, балки касбий таълим олишлари учун ҳам зарур шарт-шароитлар яратилди. Умумтаълим мактабларининг 10-11-синфлари ўқувчиларига касбий таълим беришга ихтисослаштирилган ўқув-ишлаб чиқариш мажмуалари ташкил этилиб, бу касбий таълим мажмуаларида минглаб ўқувчи-ёшлар ўзлари қизиққан касблар бўйича таҳсил олишмоқда.
Қорақалпоғистон Республикаси Вазирлар Кенгашининг 2017 йил 27 октябрдаги “Ўзбекистон Республикаси Вазирлар Маҳкамасининг 2017 йил 24 октябрдаги “Умумий ўрта таълим муассасаларининг 10-11-синфлари ўқувчиларига касбий таълим беришга ихтисослашган ўқув-ишлаб чиқариш мажмуаларини ташкил этиш чора-тадбирлари тўғрисида”ги 868-сонли қарори ҳақида”ги 720-сонли қарори ҳамда туман ҳокимининг 703-сонли қарорига асосан Амударё агробизнес касб-ҳунар коллежида ҳудудий ўқув-ишлаб чиқариш мажмуаси ташкил этилиб, 2017-2018 ўқув йилида ҳудуддаги 10 та умумтаълим мактабларининг 10-11-синф ўқувчилари касбий таълим бўйича назарий ва амалий машғулотларга жалб қилинди.
Ўтган ўқув йилида 324 нафар ўқувчи-ёшларга 3 та касб йўналиши бўйича амалий кўникма ва назарий билимлар юзасидан машғулотлар олиб борилган бўлса, 2018-2019 ўқув йилида эса ҳудуддаги 11 та умумтаълим мактабларидан 355 нафар, жами 679 нафар ўқувчи-ёшлар 5 та касб йўналиши бўйича амалий ва назарий таҳсил олишмоқда.
Ўқув-ишлаб чиқариш мажмуасида ўқувчи-ёшларнинг 92 нафари чилангарлик, 140 нафари шина пайвандловчи, 192 нафари компьютер оператори, 11 нафари чорвадор, 244 нафари тикувчилик йўналишлари бўйича назарий ва амалий кўникмаларга эга бўлишлари учун 17 нафар малакали мутахассис ўқитувчилар қизиқарли дарс машғулотларини олиб боришмоқда.
–Ўқувчи-ёшларнинг ўзлари танлаган йўналишлари бўйича чуқур билим ва касбий малакага эга бўлишлари учун ўқув-ишлаб чиқариш мажмуасида барча шароитлар яратилган, – дейди Амударё агробизнес касб-ҳунар коллежи директори Зариф Бекниязов. – Улар бир вақтнинг ўзида малакали мутахассис ўқитувчилар раҳбарлигида олган назарий билимларини амалиётда синаб кўриш имконига ҳам эгалар.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
