ЗАРАРКУНАНДАЛАРГА ҚАРШИ КУРАШ КУЧАЙТИРИЛАЯПТИ
Ғўза парвариши қизғин паллага кирган айни кунларда Амударё туманидаги қатор биолабораторияларда ҳосил кушандаси – қишлоқ хўжалиги экинлари зараркунандаларига қарши кураш бутун чоралар билан кучайтирилмоқда.
Ғўза зараркунандаларига Қарши курашиш борасида олиб борилаётган ишлар айниқса туманнинг “Бўзёп” овулида яққол кўзга танилади. Чунки бу ерда фаолият кўрсатаётган биолаборатория ходимлари 35 та пахтачилик билан шуғулланувчи фермер хўжаликларининг 1095 гектар майдондаги экинларини, шунингдек аҳолининг томорқа ерларидаги экинларини қишлоқ хўжалиги зараркунандаларидан ҳимоя қилишда жонбозлик кўрсатишяпти.
Ушбу биолоборатлория ходимлари ҳар 3 кунда бир гектар ерга 1 граммдан трихограмма, 1 гектар майдонга 500 донадан олтинкўз тухуми ва 1 гектар экин даласига 1000 донадан бракон ишлатишаяпти. Натижада энг хавфли зараркунанда – кўсак қурти ривожланишининг олди олиняпти.
Биз пахта далаларида пайдо бўлаётган кўсак қурти ва ўргимчаккана каби зараркунандаларга қарши курашни кучайтириш билан бирга фермер хўжаликларидаги ва аҳоли томорқасидаги полиз ва сабзавот экинларини, шунингдек, боғлардаги мевали дарахтларни зараркунандалардан муҳофаза қилиш ишларига ҳам эътиборни кучайтираяпмиз. Булар асосан пахта ҳосили ва бошқада қишлоқ хўжалиги маҳсулотлари нобудгарчилигининг олдини олишда муҳим омил бўлаяпти, -деди биолаборатория мудири Арслон Кўбеев.
А.ЖУМАНИЁЗОВ.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
