КИТОБХОНЛАP МАСКАНИ

Мамлакатимизда аҳоли, айниқса, ёшлар ўртасида китоб мутолааси ва китобхонлик маданиятини юксалтириш борасида тизимли ишлар амалга оширилмоқда. Ўтказилаётган турли танловлар, тадбирлар ва адабий учрашувлар фикримизнинг далилидир.

“Ёш китобхон” Pеспублика кўрик-танлови ҳам ана шу мақсадда ташкил қилингани билан аҳамиятлидир.

Жорий йилнинг 8 июнь куни Нукус шаҳрида мазкур кўрик-танловнинг Қорақалпоғистон Pеспубликаси босқичи ўтказилди. Унда ушбу кўрик-танловнинг туман ва шаҳар босқичларида ғолибликни қўлга киритган ўқувчилар жамоалари иштирок этдилар.

Туманимиздаги 40-сонли умумтаълим мактаби ўқувчилари – Муқаддам Худойберганова, Маҳбуба Ўтамуродова, Зумрад Нуруллаева, Охунжон Собуров ва Насиба Жалғашевалардан ташкил топган “Аму қуёши” жамоаси ушбу кўрик-танловнинг Қорақалпоғистон Pеспубликаси босқичида фаол иштирок этиб, фахрли биринчи ўринни эгаллашга муваффақ бўлди.

Туманимизнинг билимдон ёш китобхонлари махсус диплом билан тақдирланиб, кўрик-танловнинг Ўзбекистон Pеспубликаси босқичига йўлланма олдилар.

Бундан ташқари, 40-сонли мактаб директорининг маънавият ва маърифат ишлари бўйича ўринбосари Сайёра Жумамуродова, мактаб кутубхоначиси Гулчирой Давлетова, ёшлар етакчиси Pавшан Pейимов, она тили ва адабиёти фани ўқитувчиси Иқболой Юсупова, мактаб ўқувчилари Охунжон Собуров ва Муқаддам Худойбергановалардан ташкил топган мактаб жамоаси туман мактаблари орасида ўтказилган “Китобхон мактаб” кўрик-тановида биринчи ўринни эгаллаб, кўрик-танловнинг Қорақалпоғистон Pеспуб-ликаси босқичида иштирок этиш имкониятига эга бўлган эди.

Ушбу жамоа мазкур кўрик-танловнинг 28 май куни Нукус шаҳрида бўлиб ўтган Қорақалпоғистон Pеспубликаси босқичида ҳам фаол иштирок этиб, фахрли 3-ўринни эгаллашга муваффақ бўлди.

Ўқувчилар ва ўқитувчилар эришаётган бу каби ютуқлар мактабда ўқув жараёни ва маънавий-маърифий ишлар тўғри йўлга қўйилганининг исботидир.

А.Жуманиёзов.