ЖИНОЯТЧИ МАҲАЛЛА КАФИЛЛИГИ БИЛАН ЖАЗОДАН ОЗОД ЭТИЛДИ
Онанг – маҳалла, отанг – маҳалла! Шу иборани ҳаётда кўп учратсак ҳам унинг мазмун-моҳиятини кўпам ўйлаб ўтирмаймиз. Аслида ҳар биримизнинг ҳаётда ўз ўрнимизни топишимизда ўзимиз яшайдиган маҳалламизнинг, маҳалладошларимизнинг ўрни беқиёс. Маҳалла тарбиячи, зарур ҳолларда моддий-маънавий қўллаб-қувватловчи.
Бугун Манғит шаҳрининг Беруний маҳалласи Ҳунармандлар кўчасида истиқомат қилувчи Б.К. ўз ҳаётида яққол ҳис қилди.
Унинг маҳалласида обрў-эътибори жойида эди, тўй-маракаларда биринчилардан бўлиб хизматга чиқар, умумий ишлардан бўйин товламас, қўни-қўшнилари билан аҳил эди. Катталарга ўғил, кичикларга оға эди.
Баъзан ўйламай босилган биргина қадам одамни боши берк кўчага олиб кириб қўяди. Б.Кни ҳам бир қалтис қадами Ўзбекистон Pеспубликаси Жиноят Кодексининг 168 моддаси 3 қисми Б бандида кўрсатилган жиноятни содир этишига сабабчи бўлди.
Ўз қилмиши оқибатини эса ўзига қарши жиноят иши очилиб, тергов-суриштирув ишлари бошланганида англади, қонун устувор мамлакатимизда ҳеч бир жиноят жазосиз қолмаслигини тушунди.
Аммо энди ... кеч эди дейишга шошилмаймиз. Чунки шу йилнинг 21 июлида Беруний номли маҳалла фуқаролар йиғини биносида бўлиб ўтган маҳалла фаоллари йиғилишида Б.Кга оид жиноят иши бўйича мазкур фуқаролар йиғинидан Фуқароларнинг ўзини ўзи бошқариш органлари фаолиятини мувофиқлаштириш бўйича туман Кенгашига Б.Кни ўз кафиллигига олиш юзасидан киритган таклифи муҳокама қилинди.
Йиғилишда маҳалладошлар Б.К. ва унинг оиласи ҳақида ижобий фикрлар билдириб, маҳалла уни кафилликка олиб, қайта тарбиялашга шай эканлигини билдириб, жиноий жазодан озод қилинишини сўрадилар.
Унинг қилмишидан чин кўнгилдан пушаймонлигини, етказилган зарарни тўлиқ қоплаганлигини, оиласида қарамоғида вояга етмаган фарзандлари, кекса онаси борлигини, муқаддам судланмаганлигини инобатга олишни сўрадилар.
Йиғилиш қароридаги бу фикр-мулоҳазалар инобатга олиниб, Ўзбекистон Pеспубликаси Жиноят Кодексининг 168-моддаси 3 қисми б бандида кўрсатилган жиноятни содир этган Б.Кни маҳалла кафилликка олиб, жиноий жазодан озод қилиши сўралган Фуқароларнинг ўзини ўзи бошқариш органлари фаолиятини мувофиқлаштириш бўйича туман Кенгашига киритилган таклифи маъқулланди ва унга белгиланган жазодан озод қилиниши кўрсатилган кафолат хати берилди.
Бу маҳалланинг ота-она каби кечиримли, бағрикенглиги эмасми? Фарзандининг келажаги ҳақида қайғуриб, тўғри йўлга бошлаши эмасми?
Ойгул PАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
