Мустақил ҳаётга йўлланма берилди
Айни кунларда ўрта махсус, касб-ҳунар таълими муассасалари ўқувчилари 2017-2018 ўқув йилини тугатиб, ёзги таътилга чиқишди, битирувчилари эса ўзларининг уч йил давомида муассасада олган билим ва касбий кўникмаларини намойиш этиб, назарий ва амалий имтиҳонларни муваффақиятли топширишди.
Шу йилнинг 25 июнида Амударё қишлоқ хўжалик касб-ҳунар коллежида битирувчиларнинг муассасани тугатганлиги ҳақидаги дипломни топширишга бағишланган тантанали тадбир бўлиб ўтди.
Жорий йилда коллежни 617 нафар ўқувчилар ўзлари танлаган касб-ҳунарни эгаллаб, мустақил ҳаётга учирма бўлишмоқда. Уларнинг 11 нафари фан асосларини чуқур эгаллаганлари туфайли имтиёзли диплом олишга муваффақ бўлди.
Ўқувчиларга диплом топшириш маросими байрам тусини олди. Аслида ҳам ҳар бир ёш ҳаётда ўз ўрнини топишида ўзига хос даврни ўз ичига олувчи ўрта махсус, касб-ҳунар таълимини тугатиб, ўзи танлаган касбнинг эгаси бўлиб, эл-юрт равнақи йўлида фаолиятини бошлаш учун диплом олган куни уларнинг хотирасида бир умр муҳрланиб қолади.
Тантанада коллеж директори М. Йўлдошев, Тошкент давлат аграр университети Нукус филиали ўқитувчиси, қишлоқ хўжалик фанлари номзоди Худоёр Матёқубов, коллеж директорининг ўқув ишлари бўйича ўринбосари Ш.Матирзаев, маънавий-маърифий ишлар бўйича ўринбосари О.Эшчоновлар ўқувчиларни коллежни тугатиб, мустақил ҳаётга учирма бўлаётганликлари билан қизғин қутладилар ва олган билим, эгаллаган касб-ҳунарини ҳаётда муваффақиятли қўллаб, юртимизга фидойи хизмат қилишларини тиладилар.
Дипломлар тантанали равишда топширилгач, иштирокчилар учун мароқли концерт намойиш этилди. Мустақил ҳаётга йўлланма бўлган диплом уларни ҳаётда янги-янги марраларни забт этишга чорлайди.
О.Pажабова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
