Уйшинда Наврўз, сайли
Эҳ-ҳеҳ-ҳей! Одамлару одамлар, эшитмадим деманглар, ҳамма Наврўз сайлига!
Ўқувчи болакайнинг мактаб олдидаги байрамона безатилган майдончани айланиб шодон қичқириши барча йиғилганларнинг кўнглида интиқиб кутилган қутлуғ кун қувончини янада оширди. Шу томонга келаётганлар қадамини илдамлатди.
Мактаб ўқитувчилари, ўқувчилари, ота-оналари, “Уйшин” маҳалла фаоллари, фахрий ўқитувчилар, маҳалла кичкинтойлари жам бўлган Наврўзи оламга бағишланган, “Азиз юртдошлар, ҳар бир кунингиз Наврўз бўлсин!” деган ғояни ўзида мужассам этган маданий мусиқий тадбир “Баҳор валси” рақси билан бошланди.
Байрам шодиёнасини мактаб директори Солий Авазмуротов очди. Директор ўринбосари Асқарбой Матмуротовнинг Наврўз тарихига оид маърузасидан сўнг байрам томошалари бошланди.
Томошада ижро этилган масхарабозлар чиқишлари, қизлар айтишувлари, қўшиқлар, рақсларни йиғилганлар мириқиб томоша қилдилар.
Концерт дастури якунида спорт мусобақалари бўлиб ўтди. Қўчқор, хўроз уриштириш, варрак учириш каби миллий ўйинларга навбат берилди. 75-мактабда ўтказилган урф-одатларимиз, анъаналаримиз акс этган театрлаштирилган байрам томошаси барча иштирокчиларга манзур бўлди. Тадбирда мактаб ўқувчиларидан Маҳлиё Ўрозимбетова, Хурсандой Йўлдошбоева, Набира Қодирова, Жумагул Одамбоева, Жавоҳир Одамбоев, Кумушой Pаҳимова, Моҳира Тўрабоева, Моҳинур Йўлдошбоевалар фаол қатнашиб, барчанинг олқишларига сазовор бўлдилар.
Файзулла Собиров,
75-мактаб ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
