Азиз ватандошлар, ҳар бир кунингиз Наврўз бўлсин!
Неча минг йиллик тарихга эга асл миллий байрамимиз – Наврўзи оламни ёш-у кекса шодумонликда қарши олиши бежиз эмас. Боиси Наврўз – яъни Янги кун юртимизда азал-азалдан кўкламнинг ҳақиқий ҳукмронлиги бошланиши сифатида ҳам нишонланган, шу куни деҳқонлар яхши ниятлар билан ерга уруғ сочишган, уруғлар баракали бўлишини тилаб, дуо қилишган.
Ҳамжиҳатликда қўни-қўшнилар тўпланишиб, сумалак пишириши ҳақиқий сайл тусини олган. Сумалак пишириш баробарида йигитлар ўтин ёриб, сув ташиб, ўзларининг абжирлигини, кучлилигини, қизлар-келинлар пазандалигини, одоблилигини намойиш қилишган. Кекса нуроний онахонларнинг лапарлари, йигит-қизларнинг айтишувлари сайлга ўзгача руҳ бағишлаган. Тайёр бўлган сумалак эл-улусга тарқатилган.
Аждодларимиздан минг йиллар оша бизгача етиб келган, неча бор таъқиб этилиб, эскилик сарқити, дея бўҳтонларга учраган Наврўз байрами мустақиллик йилларида қадр топди, халқимиз ҳаётидан теран жой олди, янги маъно-мазмун касб этди.
Президентимизнинг “2018 йилги Наврўз умумхалқ байрамига тайёргарлик кўриш ва уни ўтказиш тўғрисида”ги Қарори асосида бутун мамлакатимизда бўлгани каби туманимизнинг барча ҳудудларида, меҳнат жамоаларида байрам тантаналари аллақачон бошланиб кетди.
“Азиз ватандошлар, ҳар бир кунингиз Наврўз бўлсин!” деган эзгу ғоя ифодаланган маданий-маърифий тадбирлар ҳар бир юртдошимиз кўнглига ўзаро меҳр-оқибат, дўстлик-биродарлик туйғуларини жойламоқда, шу азиз Ватанимизга садоқат билан хизмат қилишга чорламоқда.
Наврўзи олам ана шундай моҳиятан эзгуликка хизмат қилувчи байрам бўлгани билан азиз ва муқаддасдир.
Азиз юртдошлар!
Қарши олаётганимиз – Янги кун барчангизга қутлуғ бўлсин! Барчангизга соғлик-омонлик, Ватанимиз равнақи йўлидаги меҳнатларингизга барака тилаймиз. Ҳаётингизнинг ҳар куни Наврўз бўлсин!
ТАҲРИРИЯТ.
Фото: ЎзА
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
