ЎҚИТУВЧИ ТАЖPИБАЛИ БЎЛСА...
Туманимиздаги 36-сонли умумтаълим мактабида ўз ишининг фидойилари бўлган ўқитувчилар кўп. Айниқса, бошанғич синфлар ўқитувчиларининг болаларга илм сирларини ўргатишдаги тажрибалари таҳсинга лойиқ.
Мактабнинг 4 “б” –синфига олий маълумотли тажрибали муаллима Сарагул Юсупова раҳбарлик қилади. Ўзининг 21 йиллик педагогик фаолияти давомида бошланғич синфларда ўқувчиларга таълим-тарбия беришда интерактив дарс усулларини қўллаш, замонавий инновацион педтехнологиялардан фойдаланиш борасида ўзига хос тажриба тўплаган Сарагул Юсупова ўзи раҳбарлик қилаётган синф ўқувчилари билан дарсдан бўш вақтларида ҳам мунтазам шуғулланишга вақт топади. У кўпинча турли хил беллашувлар, байрам тадбирлари орқали ўқувчилар дунёқарашини шакллантиришга, уларнинг ўз фикрларини мустақил ифода этишларига шароит яратади.
8 март – Халқаро хотин-қизлар куни муносабати билан ўтказилган “Жаннат – оналар оёғи остида” деб номланган адабий-мусиқий тадбирда ўқувчилар онажонлари ва устозларига ўз қўллари билан тайёрлаган совғаларини ҳадя этишди. Албатта, ўз фарзандининг эстетик диди, ақл-фаросатидан онажонлар хурсанд бўлишди.
- Шундай қилсак, болада ўзига нисбатан ишонч туйғуси шаклланиб, бу туйғу бола билан бирга улғайиб боради, – дейди Сарагул Юсупова. – Энг муҳими, ўз ақл кучига ишонган бола шахсий фикрига эга, дадил ва қатъиятли бўлади.
Сарагул Юсупова раҳбарлигидаги синф ўқувчилар айни кунда Наврўз байрамини муносиб кутиб олиш мақсадида 36-сонли мактаб ҳаволсидаги дов-дарахтлар тагига ишлов бериш, мактаб ҳовлисини ободонлаштириш ишларида фаоллик кўрсатмоқда.
Суратда: 36-сонли мактаб ўқитувчиси Сарагул
Юсупова ўқувчилари даврасида.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
