ВАТАН ҲИМОЯСИ – МУҚАДДАС БУРЧИМИЗ
Қуролли кучларимизнинг 26 йиллиги ва Ватан ҳимоячилари куни муносабати билан жойларда маданий-маърифий тадбирлар ўтказилмоқда. Бу тадбирларда Ватанга муҳаббат ва садоқат руҳи уфуриб турибди. Шунингдек, ҳарбий қисмларда кўргазмали ҳарбий-тактик машғулотлар юқори савияда ўтказилмоқда. Бу машғулотлар ҳарбий қисм шахсий таркибининг ҳарбий-тактик салоҳияти ҳамда мудофаа қобилиятининг қанчалик даражада ўсиб, такомиллашаётганлигини ёрқин намойиш қилмоқда.
Ҳа, мустақиллик йилларида бизнинг миллий армиямиз профессионал даражадаги қудратли Қуролли Кучларга айланди. Билимдон ва малакали ҳарбий кадрлар етишиб чиқди. Қуролли Кучлар сафи энг сўнгги замонавий ҳарбий техника ва технологиялар билан қайта жиҳозланди. Ҳарбий-тактик ҳаракатлар механизми янгиланди. Натижада МДҲ давлатлари орасида энг кўзга кўринган қудратли, профессионал Армияга айланди.
Қуролли Кучларимиз сафида хизмат қилаётган минглаб аскарлар ва зобит-қўмондонлар қаторида туманимиз ёшларининг фаол қатнашаётганлигини фахр-ифтихор билан тилга олиб ўтиш жоиз, албатта. Улар хизмат қилаётган ҳарбий қисмлардан энг аввало, уларнинг ота-оналарига, маҳалла-кўйга ва туман Мудофаа ишлари бўлимига кўплаб ташаккурномалар келиб турибди. Хусусан, манғитлик Ҳасан Алишер ўғли оиласига Чирчиқ шаҳри, артиллерия қисми қўмондонлигидан, Қипчоқ овулидан Рустам Файзулла ўғли Жўллибоевнинг ота-онасига Қашқадарё вилоятидаги танк қисми қўмондонлигидан, “Чойкўл” овулидан Хурсанд Омонбой ўғли Искандаровнинг ота-онасига ҳам Қашқадарё вилоятидаги танк қисми қўмондонлигидан, “Қиличбой” овулидан Сардорбек Комилжон ўғли Сафарбоевнинг оиласига Бухородаги умумий ҳарбий қўшин қисм қўмондонлигидан, “Қангли” овулидан Иззатилло Анвар ўғли Ҳабибуллаевнинг ота-онасига ҳам Бухородаги умумий ҳарбий қўшин қисми қўмондонлигидан, яна “Қангли”дан Ёдгор Эрдош ўғли Муродовнинг ота-онасига Чирчиқдаги артиллерия қисми қўмондонлигидан, “Қангли” овулидан Ойбек Янгибой ўғли Ўрозбоевнинг оиласига Тошкентдаги алоқа ҳарбий қисм қўмондонлигидан ҳарбий хизматдаги аъло даражадаги кўрсаткичлари учун қатор ташаккурномалар келди.
Фурсатдан фойдаланиб, Қуролли Кучларимизнинг 26 йиллиги ва Ватан ҳимоячилари куни муносабати билан барча юртдошларимизни, тинчлик посбонлари бўлган жасур аскарларимизни ҳамда уларнинг ота-оналарини байрам билан қизғин муборакбод этамиз.
Юртимиз тинч, элимиз обод, халқимиз фаровон бўлсин, деймиз.
Ихтиёр НОДИРОВ,
туман Мудофаа ишлари бўлими
бошлиғи,подполковник
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
