ЁШЛАРГА ОИД ДАВЛАТ СИЁСАТИ – ТАРАҚҚИЁТИМИЗ КАФОЛАТИ
Мана, йигирма олти йилдирки, мустақил юртимизда Мустақиллик кунини энг улуғ байрам сифатида катта қувонч ва тантана билан кутиб олиш эзгу қадриятга айланган. Бунда давлатимиз раҳбарининг сана муносабати билан қабул қилган қарорлари муҳим дастуриламалдир. Бу йил ҳам Президентимизнинг "Ўзбекистон Республикаси Давлат мустақиллигининг йигирма олти йиллик байрамига тайёргарлик кўриш ва уни ўтказиш тўғрисида”ги қарори матбуотда эълон қилинди. Ундаги "Фидойинг бўлгаймиз сени, Ўзбекистон!” деган эзгу ғоя муқаддас байрамимизнинг бу йилги бош шиорига, айланди.
Мустақилликка эришиш остонасида Биринчи Президентимиз янги давлат ва жамиятни барпо этиш билан боғлиқ кун тартибидаги энг муҳим масалалардан бири сифатида ёшларга оид давлат сиёсати ҳамда уни амалга ошириш механизмини ишлаб чиқиш вазифасини қўйгани бежиз эмас.
Бугунги кунда ҳам ёшларимизни ижтимоий-сиёсий хавф-хатарлардан, мафкуравий хуружлар мажмуаси бўлмиш маънавий таҳдидлардан ҳимоя қилиш кун тартибидаги энг долзарб муаммолардан бўлиб қолмоқда.
Янги таҳрирдаги "Ёшларга оид давлат сиёсати тўғрисида”ги Қонуннинг ҳаётга татбиқ қилиниши эртамиз эгаларининг ҳуқуқ ҳамда қонуний манфаатларини мустаҳкамлаш, ёшларга оид давлат сиёсатини амалга оширишда давлат органлари ва бошқа ташкилотларнинг масъулиятини кучайтириш, соҳада кўрилаётган чора-тадбирлар самарадорлигини юксалтириш имконини беради. Унда ёшлар бўйича давлат сиёсатининг мақсад ва тамойилларигина эмас, балки бугунги кун нуқтаи назаридан улар билан боғлиқ ўта принципиал масалалар ўз аксини топган. Иқтидорли ўғил-қизларни рағбатлантириш, ёшлар тадбиркорлигини қўллаб-қувватлаш, улар учун зарур ижтимоий хизматлар тизимини яратиш, ёш оилаларга ижтимоий ёрдам кўрсатиш, вояга етмаганлар, шунингдек, ёшлар қатламининг айрим тоифаларини ижтимоий муҳофаза қилиш ана шулар жумласидандир.
Қонуннинг энг муҳим жиҳатларидан бири – бу ёшларга оид давлат сиёсатини амалга оширишда маҳаллалар, нодавлат нотижорат ташкилотлари, оммавий ахборот воситаларининг ўрни аниқ белгилаб қўйилганидадир. Айниқса, мазкур тузилмалар ҳуқуқларида ёшларга оид давлат сиёсати соҳасидаги қонун ҳужжатларининг ижро этилиши, давлат дастурларининг ва ҳудудий дастурларнинг рўёбга чиқарилиши устидан жамоатчилик назоратини амалга ошириш белгилангани мамлакатимизда «Кучли давлатдан – кучли фуқаролик жамияти сари» концепциясини амалга оширишда, демократик ислоҳотларни янада чуқурлаштиришда муҳим аҳамиятга эгадир.
Умуман олганда, Қонун ёшларнинг ҳуқуқлари ва қонуний манфаатларини мустаҳкамлашга, ёшларга оид давлат сиёсатини рўёбга чиқаришда давлат органлари ҳамда бошқа ташкилотлар масъулиятини кучайтиришга хизмат қилади.
Муқаддас БЕКНАЗАРОВА,
40-сон умумий ўрта таълим мактаби директорининг маънавий-маърифий ишлар бўйича ўринбосари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
