Савол беринг, жавоб қайтарамиз
Савол: - Фуқароларга якка тартибдаги уй-жой қурилиши учун ер участкалари бериш қандай тартибда амалга оширилади?
Жавоб: - Ўзбекистон Республикаси Вазирлар Маҳкамасининг 2006 йил 30 декабрдаги 272-сонли Қарорига асосан Якка тартибда уй-жой қуриш учун ер участкаси туманлар (шаҳарлар) ҳокимлари томонидан қишлоқ хўжалиги ва ўрмон хўжалиги таркибига кирмайдиган ерлардан белгиланган тартибда фақат Ўзбекистон Республикаси фуқароларидан ташкил топган бир оилага 0,06 гектаргача мерос қилиб қолдириладиган умрбод эгалик қилиш учун берилади.
Якка тартибдаги уй-жой қурилиши учун 0,04 гектаргача ер участкаларига мерос қилиб қолдириладиган умрбод эгалик қилиш ҳуқуқи белгиланган тартибда "ким ошди” савдосида сотилади.
Якка тартибда уй-жой қуриш (деҳқон хўжалигини юритиш) учун ер участкаларига мерос қилиб қолдириладиган умрбод эгалик қилиш ҳуқуқини реализация қилиш бўйича очиқ "Ким ошди” савдоларида Ўзбекистон Республикаси фуқаролари, хорижий юридик ва жисмоний шахслар – дипломатик корпус ходимлари, Ўзбекистон Республикаси рўйхатига олинган матбуот вакиллари, доимий ваколатхоналар, фирмалар, компаниялар ва халқаро ташкилотлар ходимлари, қўшма корхоналарда доимий асосда ишловчи шахслар, шунингдек Республикада доимий яшайдиган ва яшаш гувоҳномасига эга бўлган шахслар қатнашишга ҳақли.
Якка тартибда уй-жой қуришга 0,04 гектаргача, деҳқон хўжалигини юритишга 0,06 гектаргача ер участкасига бўлган ҳуқуқлар "ким ошди” савдоси асосида реализация қилинади. Ер участкалар бўйича "ким ошди” савдоси ўтказиладиган сана ва ер участка манзили матбуотда эълон қилинади.
Саволга туман архитектура ва қурилиш бўлими мутахассиси Озодбой Мадраимов жавоб берди.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
