БУГУННИНГ БОЛАЛАРИ

Айланай Мустақиллик! Айланайин ЭРК,

Сен билан ўзлигин англади ўзбек!

Ватан улуғ йўлда! Очаётир кўрк,

Ҳар кўнгил ўз ери, ўз элига Бек –

Истиқлол уфқлари порлоқ болалар!

Кеча жўякларда кўз ёрган она –

Бугун Бахт кўшкида! Ватан – парвона.

Муҳаббат чашмида унган ҳомила

Дунёга келгунча чексиз ҳимоя –

Соғлом туғилсин деб гўдак – болалар!

Қаранг, маҳаллалар бағрин тўлдириб,

Оила чамани гуллар қулф уриб.

Меҳр уммонлари аро чўмилиб,

Бахтиёр болалик гаштини суриб,

Улғаяр бўлғуси подшоҳ болалар.

Соғлом она-бола – соғлом келажак –

Устувор сиёсат мангу қолажак.

Она юрт кўксида гул очган чечак

Дунё айвонига қадам қўяжак –

Нигоҳлари олов – чақноқ болалар!

Барининг кўксида ғурур, ифтихор,

Ҳуррият шавқидан дилларда виқор.

Бундайин тинч ҳаёт айтинг, қайда бор?

Кексалар дуода, шукр этар минг бор:

– Омон бўлсин қалби уйғоқ болалар!

Эй, ота маконим, мулки Туроним,

Озод юртим менинг, Ўзбекистоним!

Буюк Жалолиддин сиёқли мардим,

Амир Темур янглиғ соҳибқироним –

Элга қайтмиш доно, ҳоқон Болалар!

Робия ЙЎЛДОШЕВА.

(Фото - http://uza.uz)