РАИС ВА УНИНГ МАСЛАҲАТЧИЛАРИ САЙЛАНДИ
20 май куни Дурунки маҳалла фуқаролар йиғини раиси (оқсоқоли) ва унинг маслаҳатчилари сайлови бўйича фуқаролар вакилларининг йиғилиши бўлиб ўтди. Йиғилишда раис ва унинг маслаҳатчиларини очиқ овоз бериш йўли билан сайлашга келишилди. Дастлаб йиғилиш регламенти тасдиқланди. Сўнгра овоз бериш натижаларини аниқлаш учун уч кишидан иборат таркибда саноқ комиссияси сайланди.
Шундан сўнг фуқаролар йиғини раиси (оқсоқоли) ва унинг маслаҳатчилари лавозимига номзодларга сўз берилди. Номзодлар ўзининг келгуси фаолият дастури ҳақида маъруза қилиб, фуқаролар вакиллари мазкур маърузалар бўйича муҳокамаларда иштирок этдилар.
Маҳалла фуқароларининг вакиллари алифбо тартибида овозга қўйилган ҳар бир номзод бўйича алоҳида овоз бердилар. Шу тарзда фуқаролар йиғини раисининг (оқсоқолининг) маслаҳатчилари лавозимига номзодлар ҳам алифбо тартибида овозга қўйилди. Саноқ комиссияси томонидан фуқаролар йиғини раиси (оқсоқоли) ва унинг маслаҳатчилари лавозимига ҳар бир номзод бўйича овозлар санаб чиқилди. Саноқ комиссиясининг хулосаси баённома орқали расмийлаштирилиб, фуқаролар вакилларининг йиғилиши томонидан тасдиқланди. Овоз беришда иштирок этган фуқароларнинг зарур миқдордаги овозини олган номзод Баҳодир Отажонов фуқаролар йиғини раиси лавозимига, 10 нафар номзодлар эса раис маслаҳатчиси қилиб сайланди.
Шунингдек, сайлов якунлари бўйича қарор қабул қилиниб, мазкур қарор йиғилиш иштирокчилари томонидан тасдиқланди.
Эндиликда Дурунки маҳалла фуқаролар йиғини раиси (оқсоқоли) ва унинг маслаҳатчилари сайлови натижалари бўйича фуқаролар вакилларининг йиғилиши бир ой ичида фуқаролар йиғини кенгашини шакллантиради, фуқаролар йиғини фаолиятининг асосий йўналишлари бўйича комиссияларни ва тафтиш комиссиясини сайлайди. Шу тариқа Дурунки маҳалласида ўзини-ўзи бошқариш тузилмаси шаклланади.
Шуҳрат ЖУМАНИЁЗОВ,
16-сонли ихтисослаштирилган давлат умумтаълим мактаби директори, Дурунки маҳалла фуқаролар йиғини раиси (оқсоқоли) ва унинг маслаҳатчилари сайловини ўтказиш бўйича ишчи гуруҳ раиси.
(Фото - http://muloqot.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
