"Президент арчаси" тадбири бўлиб ўтди
Ҳар йили анъанавий тарзда жойларда "Президент арчаси" байрам тадбирлари ўтказилиб келинади. Янги йил шукуҳи кезиб юрган бир пайтда ушбу тадбирлар болажонлар қалбига олам-олам қувонч олиб киради. Боиси, тадбирлар давомида турли хил байрам томошалари уюштирилиб, болажонларга "Президент совғаси" улашилади.
25 декабрь куни туман Маданият бўлими биносида "Президент арчаси" байрам тадбири бўлиб ўтди. Тадбирда туман ҳокими ўринбосарлари, секторлар раҳбарлари, мутасадди ташкилотлар раҳбарлари, мактаблардан ташриф буюрган болажонлар ва кенг жамоатчилик вакиллари иштирок этдилар.
Дастлаб, Амударё тумани ҳокимининг биринчи ўринбосари Фаҳриддин Юсупов Ўзбекистон Республикаси Президенти Ш.Мирзиёевнинг байрам табригини ўқиб эшиттирди.
Шундан сўнг, байрам томошалари бошланди. Тумандаги мактабгача таълим ташкилотлари тарбияланувчилари томонидан ижро этилган дилрабо куй-қўшиқлар ва рақслар байрамга чинакам руҳ бағишлади. Айниқса, туман Маданият уйи ходимлари томонидан саҳналаштирилган "Зумрад ва Қиммат" эртаги йиғилганларга байрамона кайфият улашди.
Тадбир сўнгида тумандаги кам таъминланган оилалар фарзандларига, шунингдек, байрамга ташриф буюрган мактаб ўқувчиларига, азиз болажонларга Президент совғалари улашилди.
Азиза Мадраҳимова
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
