Biosfera rezervati mustahkamlanmoqda

Qipchoq davlat oʻrmon xoʻjaligiga qarashli "Bekboy toʻqay”ning asosiy oʻrmon bilan qoplangan 3536,5 gektar qismi Oʻzbekiston Respublikasi Vazirlar Mahkamasining "Quyi Amudaryo davlat biosfera rezervatini tashkil etish toʻgʻrisida”gi 243-sonli (2011-yil) qaroriga muvofiq davlat biosfera rezervati tasarrufiga kiritilgan. Ushbu qarorga muvofiq "Bekboy toʻqay”da keng qamrovli ishlar amalga oshirildi. Tabiiy oʻrmonzorlarni yanada boyitish maqsadida madaniy oʻrmonzorlar maydoni kengaytirilib, 2013-yilda qumloq yerlarning 33 gektarida saksovulzorlar barpo etildi. 3 gektar yerga esa yapon saforasi va mahalliy jiyda koʻchatlari oʻtqazildi. Ushbu koʻchatlar Qilichboy 4-aylanmasida barpo etilgan niholxonada yetishtirildi. Ayni bahor paytida oʻtgan yilda ekilgan nihollar yashil maydonlar hosil qilgan.