Oila – mahalla – taʼlim muassasasi hamkorligi mustahkamlanmoqda
Shu yilning 11-may kuni 9-sonli Bolalar musiqa va sanʼat maktabida tuman Xotin-qizlar qoʻmitasi hamda tuman xalq taʼlimi muassasalari faoliyatini metodik taʼminlash va tashkil etish boʻlimi hamkorligida "Oila – mahalla – taʼlim muassasasi hamkorligi mexanizmini tatbiq etishning amaliy jihatlari” mavzusida oʻquv-seminar oʻtkazildi.
Tadbirda tumanimizda faoliyat koʻrsatayotgan maktablarning direktorlari, maʼnaviyat va maʼrifat ishlari boʻyicha direktor oʻrinbosarlari, ovul va mahalla fuqarolar yigʻinlarining diniy-maʼrifat va maʼnaviy-axloqiy tarbiya masalalari boʻyicha maslahatchilari ishtirok etdilar.
Oʻquv-seminarida "Oila – mahalla – taʼlim muassasasi hamkorligi mexanizmining mazmuni va ahamiyati” haqida tuman XTMFMTTEB mudiri A.Qoʻshayev maʼruza qildi.
Maʼruzada oʻquvchi-yoshlar oʻrtasida gʻayriijtimoiy harakatlarning vujudga kelish sabablarini oʻrganish, ularni bartaraf etish, barkamol avlodni tarbiyalashga doir maʼnaviy-maʼrifiy tadbirlarning samaradorligini oshirish va ularni mazmunan yanada takomillashtirish lozimligi taʼkidlandi hamda bu borada taʼlim muassasalari oldida turgan dolzarb masalalar xususida soʻz yuritildi.
Seminarda shuningdek, "Oila – mahalla – taʼlim muassasasi” hamkorligi mexanizmini amalga oshirish borasida fuqarolar yigʻinlari oldida turgan dolzarb vazifalar” mavzusida "Mahalla” xayriya jamoat fondi tuman boʻlinmasi mutaxassisi G.Chimboychiyeva, "Oila – mahalla – taʼlim muassasasi” hamkorligi mexanizmi boʻyicha mahallada toʻplangan ilgʻor ish tajribalari, muammo va yechimlar” mavzusida "Qilichboy” ovul fuqarolar yigʻinining diniy maʼrifat va maʼnaviy-axloqiy tarbiya masalalari boʻyicha maslahatchisi R.Jumaniyozovalarning maʼruzalari tinglandi.
Maʼruzalar doirasida muzokaralar oʻtkazilib, fikrlar almashindi.
(Oʻz muxbirimizdan)
(http://mahallagzt.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
