Оила – маҳалла – таълим муассасаси ҳамкорлиги мустаҳкамланмоқда
Шу йилнинг 11 май куни 9-сонли Болалар мусиқа ва санъат мактабида туман Хотин-қизлар қўмитаси ҳамда туман халқ таълими муассасалари фаолиятини методик таъминлаш ва ташкил этиш бўлими ҳамкорлигида "Оила – маҳалла – таълим муассасаси ҳамкорлиги механизмини татбиқ этишнинг амалий жиҳатлари” мавзусида ўқув-семинар ўтказилди.
Тадбирда туманимизда фаолият кўрсатаётган мактабларнинг директорлари, маънавият ва маърифат ишлари бўйича директор ўринбосарлари, овул ва маҳалла фуқаролар йиғинларининг диний-маърифат ва маънавий-ахлоқий тарбия масалалари бўйича маслаҳатчилари иштирок этдилар.
Ўқув-семинарида "Оила – маҳалла – таълим муассасаси ҳамкорлиги механизмининг мазмуни ва аҳамияти” ҳақида туман ХТМФМТТЭБ мудири А.Қўшаев маъруза қилди.
Маърузада ўқувчи-ёшлар ўртасида ғайриижтимоий ҳаракатларнинг вужудга келиш сабабларини ўрганиш, уларни бартараф этиш, баркамол авлодни тарбиялашга доир маънавий-маърифий тадбирларнинг самарадорлигини ошириш ва уларни мазмунан янада такомиллаштириш лозимлиги таъкидланди ҳамда бу борада таълим муассасалари олдида турган долзарб масалалар хусусида сўз юритилди.
Семинарда шунингдек, "Оила – маҳалла – таълим муассасаси” ҳамкорлиги механизмини амалга ошириш борасида фуқаролар йиғинлари олдида турган долзарб вазифалар” мавзусида "Маҳалла” хайрия жамоат фонди туман бўлинмаси мутахассиси Г.Чимбойчиева, "Оила – маҳалла – таълим муассасаси” ҳамкорлиги механизми бўйича маҳаллада тўпланган илғор иш тажрибалари, муаммо ва ечимлар” мавзусида "Қиличбой” овул фуқаролар йиғинининг диний маърифат ва маънавий-ахлоқий тарбия масалалари бўйича маслаҳатчиси Р.Жуманиёзоваларнинг маърузалари тингланди.
Маърузалар доирасида музокаралар ўтказилиб, фикрлар алмашинди.
(Ўз мухбиримиздан)
(http://mahallagzt.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
