Yana beşta oila yangi xonadonga ega böldi

Tadbirkorlar va işbilarmonlar harakati – Özbekiston Liberal-demokratik partiyasining “Xalq bilan birga” umummilliy dasturi aholining ijtimoiy himoyaga muhtoj qatlamlarini qöllab-quvvatlaş, ularning bandligini taʼminlaş va kundalik hayotda duç kelayotgan muammolarini joyida hal etişga qaratilgan muhim ijtimoiy taşabbusdir.

Mazkur dastur doirasida Amudaryo tumanida ham keng kölamli işlar yölga qöyilgan. Tuman hokimligi, ÖzLiDeP Qoraqalpoğiston Respublikasi Kengaşi, şuningdek, 300 nafarga yaqin tadbirkor va fermer hamkorligida ijtimoiy reyestrga kiritilgan, turar joyi mavjud bölmagan yoki yaşab turgan uyi avariya holatiga kelib qolgan 56 ta oila uçun yangi xonadonlar quriş taşabbusi ilgari surilgan edi.

Bugungi kunga qadar uşbu taşabbus doirasida 36 ta oila yangi uy-joyga ega böldi. Eʼtiborlisi, bu jarayonda deputatlar, tadbirkorlar va fermerlar nafaqat moddiy kömak körsatmoqda, balki tuman rahbariyati bilan birgalikda har bir oilaning uy-joy şaroitini yaxşilaşga bevosita hissa qöşmoqda.

Amudaryo tumanidagi 1-sonli texnikumda ötkazilgan navbatdagi sayyor qabul ham ana şu amaliy işlarning mantiqiy davomi böldi. Qabulda Oliy Majlis Qonunçilik palatasi deputati Guljan Xalmuratova, Qoraqalpoğiston Respublikasi Jöqorği Kengesi qömita raisi Şarapat Otemisov, ÖzLiDeP Qoraqalpoğiston Respublikasi Kengaşi raisi Sağindiq Turmanov, Amudaryo tumani hokimi Sobir Xöjametov, mahalliy Kengaş deputatlari, mutasaddi taşkilotlar vakillari, tadbirkorlar, fermerlar, yoşlar hamda fuqarolar iştirok etdi.

Uçraşuv davomida 200 nafardan ortiq fuqaro qatnaşib, 70 ga yaqin murojaat tinglandi. Ularning 50 ga yaqini şu yerning özida ijobiy hal etildi. Jumladan, ijtimoiy reyestrda turgan 5 nafar xotin-qizga yangi xonadonlarning kalitlari tantanali ravişda topşirildi.

Şu bilan birga, sayyor qabulda fuqarolarning bandlik va özini özi band qiliş istagi bilan boğliq murojaatlariga ham alohida eʼtibor qaratildi. Tadbir doirasida taşkil etilgan mehnat yarmarkasida tumandagi mavjud böş iş örinlari iş izlayotgan fuqarolar va yoşlarga taniştirildi.

Yarmarkada 4 nafar yoşlar iş bilan taʼminlanib, tadbirkor va fermerlar kömagida 10 nafarga yaqin fuqaroni mavsumiy işga jalb etiş böyiça kelişuvga erişildi. Bu yönalişdagi hamkorlik mehnatga layoqatli aholining daromad manbaiga ega bölişida muhim vosita bölib xizmat qilişi şubhasiz.

Öz mehnati bilan daromad topiş istagida bölgan 12 nafar fuqaroga esa özini özi band qiliş va kasbiy faoliyatini yölga qöyişlari uçun payvandlaş uskunalari hamda burçakli silliqlagiçlar topşirildi. Bu esa ularga zarur asbob-uskunalardan foydalangan holda mustaqil mehnat faoliyatini boşlaş imkonini beradi.

Qayd etiş joizki, yoşlarning taʼlim olişiga kömaklaşiş masalasi ham eʼtibordan çetda qolmadi. Kontrakt tölovlarida yordam sörab murojaat qilgan 6 nafar yoş va ularning ota-onalariga tuman Yoşlar agentligi tomonidan tölovning bir qismini qoplaş uçun vauçerlar berildi. Bu yordam talabalarning taʼlimni davom ettirişida muhim ahamiyatga ega böldi.

Qabul yakunida fuqarolarning bildirgan minnatdorçiligi uçraşuvning natijalarini yaqqol namoyon etdi. Kimdir yangi xonadon kalitini qölga kiritdi, kimdir işga joylaşiş imkoniyatiga ega böldi, yana birov öz mehnat faoliyatini boşlaş uçun zarur uskunalar oldi. Yoşlar uçun esa taʼlim oliş bilan boğliq xarajatlarni yengillaştirişga qaratilgan amaliy yordam körsatildi. Bu kabi yondaşuv oilalarning iqtisodiy yukini kamaytiriş bilan birga, yoş avlodning kasb-hunar egallaşga bölgan intilişini rağbatlantirişga xizmat qiladi.

Taʼkidlaş kerakki, «Xalq bilan birga» dasturi doirasida 56 ta oila uçun yangi xonadon quriş rejalaştirilgan edi. Bugungi kunga qadar ularning 36 tasi öz egalariga topşirildi, qolgan 20 ta xonadonlarning ham quriliş işlari partiya fidokorlari bölgan faol tadbirkor va fermerlar kömagida davom etmoqda. Yil yakuniga qadar uşbu 20 ta oilani ham yangi xonadon bilan taʼminlaş maqsad qilingan.

Amudaryodagi uşbu sayyor qabul «Xalq bilan birga» dasturining asosiy mazmuni — aholi muammolarini joyida örganiş va ularning yeçimi uçun masʼullar, deputatlar hamda xususiy sektor imkoniyatlarini birlaştiriş amaliyotda qanday natija berayotganini körsatdi.

Bu tartibda ötkazilayotgan uçraşuvlarning öziga xosligi şundaki, fuqaro öz muammosi bilan idoradan idoraga yurmaydi, balki masʼullar uning yaşaş joyiga kelib, murojaatni joyida örganadi va imkon qadar şu yerning özida yeçim topadi.

Xususan, uy-joy muammosining hal etilişi ijtimoiy himoyaga muhtoj oilalar uçun nafaqat maişiy qulaylik, balki kelajakka işonç masalasi hamdir. Mustahkam boşpanaga ega bölgan oila farzand tarbiyasi, taʼlim va mehnat faoliyatini rejalaştirişda ança barqaror imkoniyatga ega böladi.

Bundan taşqari, bandlikni taʼminlaş va özini özi band qilişga kömaklaşiş yönalişidagi işlar uzoq muddatli natija beradi. Zero, bir martalik moddiy yordam vaqtinçalik yengillik bersa, doimiy daromad manbai oilaning iqtisodiy mustaqilligini taʼminlaydi.

Şu örinda aytiş kerakki, tadbirkor va fermerlarning bu jarayonga faol jalb etilişi xayriya doirasidan çiqib, hududni ijtimoiy rivojlantirişning barqaror mexanizmiga aylanib bormoqda. Ötkazilgan navbatdagi sayyor qabul ijtimoiy himoya, bandlik va taʼlimni qöllab-quvvatlaş masalalarini bir tadbir doirasida jamlagan holda, oilalarning kundalik ehtiyojlariga javob beradigan aniq natijalar bilan yakunlandi.