Биосфера резервати мустаҳкамланмоқда

Қипчоқ давлат ўрмон хўжалигига қарашли "Бекбой тўқай”нинг асосий ўрмон билан қопланган 3536,5 гектар қисми Ўзбекистон Республикаси Вазирлар Маҳкамасининг "Қуйи Амударё давлат биосфера резерватини ташкил этиш тўғрисида”ги 243-сонли (2011 йил) қарорига мувофиқ давлат биосфера резервати тасарруфига киритилган. Ушбу қарорга мувофиқ "Бекбой тўқай”да кенг қамровли ишлар амалга оширилди. Табиий ўрмонзорларни янада бойитиш мақсадида маданий ўрмонзорлар майдони кенгайтирилиб, 2013 йилда қумлоқ ерларнинг 33 гектарида саксовулзорлар барпо этилди. 3 гектар ерга эса япон сафораси ва маҳаллий жийда кўчатлари ўтқазилди. Ушбу кўчатлар Қиличбой 4-айланмасида барпо этилган ниҳолхонада етиштирилди. Айни баҳор пайтида ўтган йилда экилган ниҳоллар яшил майдонлар ҳосил қилган.