ULUGʻ NAVOIY DAHOSIGA EHTIPOM KOʻPSATILDI

Ulugʻ hazrat Mir Alisher Navoiy dahosiga ehtirom turkiy xalqlar maʼnaviyatiga, oʻzbek xalqining ildizi teran, boy adabiy merosiga buyuk hurmat va ehtiromdir. Zotan, xalqimiz maʼnaviyatini, mumtoz va hozirgi zamon milliy adabiyotimizni Alisher Navoiysiz tasavvur qilolmaymiz. Navoiy nafaqat oʻz zamonasining, balki bugungi davr adabiyotining ham eng yorqin siymosi, milliy adabiyotimiz va maʼnaviyatimiz faxridir. Shu bois ulugʻ adib asarlariga har doim, har kuni murojaat qilamiz, oʻqib-oʻrganamiz, bu oʻlmas bitiklardan abadiy mavzular, mazmun va mohiyatlar topamiz. Buyuk bobokalonimiz asarlarini mana, salkam olti asrga yaqinlashdiki, butun dunyo havas va hayrat bilan oʻqimoqda.

Tumanimizning Qilichboy mavzesidagi 69-sonli umumtaʼlim maktabida “Pahmat senga, qadrdon maktabim!” shiori ostida xavfsizlik xizmati chegara qoʻshinlari tarkibidagi 9202-harbiy qismning Ayoqchi chegara posti harbiy xizmatchilari ishtirokida adabiy-badiiy uchrashuv oʻtkazildi. Uchrashuv tadbirida oʻquvchi-yoshlar va harbiylar oʻzlarining jonajon maktab dargohida Alisher Navoiy asarlari bilan yaqindan tanishganlari, Navoiy sheʼriyati, Navoiy gʻazaliyoti sehri bilan maktab partasida ilk oshno boʻlganlarini faxrlanib soʻzladilar.

Uchrashuv tadbirida 9202-harbiy qism Ayoqchi chegara posti boshligʻi oʻrinbsoari, leytenant Mirshod Hamroyev, Ayoqchi chegara posti boshligʻining  tarbiyaviy ishlar boʻyicha oʻrinbosari Pashid Jannazarov, muddatli harbiy xizmatchi, havaskor shoir Oʻrinbosdi Mirzaolimov va Naimxon Moʻminovlar Alisher Navoiy asarlarining tarbiyaviy ahamiyati, vatanparvarlikka undovchi gʻazallari hamda oʻzaro mehr-oqibat, ilm-maʼrifat tarannum etilgan falsafiy fikrlari haqida oʻquvchi-yoshlar bilan dildan suhbatlashdilar.

Harbiylar oʻquvchilarga Navoiyning mamlakat siyosiy hayotida faol ishtirok etganligini, egallagan mansabi orqali mamlakatning madaniy va ilmiy taraqqiyotida katta yordam koʻrsatganligini, Hirot shahrida va boshqa viloyatlarda oʻz hisobidan bir nechta madrasa, masjid, hammom, koʻprik va boshqa inshootlarni qurdirgani haqida soʻzlab berishdi. Undan tashqari, yuqori mansabga ega shaxs boʻla turib, u mamlakat hayotining ijtimoiy-iqtisodiy takomillashishiga katta hissa qoʻshganligi, ilm, fan, sanʼat rivojiga homiylik qilganligini, elda tinchlik va totuvlik oʻrnatilishining tarafdori boʻlganligini soʻzlab berdilar. Shuningdek, oʻquvchilik davridan boshlab, hozirga qadar uning barcha asarlari, gʻazallarini sevib mutolaa qilishlarini faxr bilan ifoda etdilar. Oʻquvchi-yoshlar esa oʻz navbatida Navoiy dostonlaridan parchalar oʻqib, gʻazal va ruboiylarini ifodali yod aytib berdilar.

Tadbir yakunida harbiy qism zobit va askarlari nomidan oʻquvchi-yoshlarga 30 dona badiiy kitoblar sovgʻa qilindi.
Tadbir yakunida oʻquvchi-yoshlar Ayoqchi chegara posti harbiylariga minnatdorchilik bildirdilar.

Pobiya YOʻLDOShEVA.