HARBIYLAR VA TALABALAR NAVOIY IJODIYoTI BÖYIÇA “ZAKOVAT” MAYDONIDA KUÇ SINAŞDI
Buyuk mutafakkir, ğazal mulkining sultoni Mir Alişer Navoiy tavalludining 585 yilligi mamlakatimizda keng nişonlanmoqda. Uşbu qutluğ sana munosabati bilan harbiy qismlar va taʼlim muassasalarida taşkil etilayotgan maʼnaviy-maʼrifiy tadbirlar yoşlarda milliy merosga ehtirom, kitobxonlik va faol fuqarolik pozitsiyasini mustahkamlaşga xizmat qilmoqda. Ana şunday tadbirlardan biri Şimoli-ğarbiy harbiy okrugning Maʼnaviyat va maʼrifat markazida ötkazilgan “Zakovat” intellektual öyini böldi.
Mazkur bellaşuvda Nukus garnizonida xizmat qilayotgan harbiy xizmatçilar hamda Nukus innovatsion texnologiyalar universiteti talabalari iştirok etib, öz bilim va zakovatlarini sinovdan ötkazdilar.
Tadbirning asosiy ğoyasi — Vatan himoyaçilari va yoşlar örtasida milliy adabiyotimizga, xususan, Hazrat Navoiy ijodiga bölgan qiziqişni yanada oşiriş, maʼnaviy dunyoqaraşni kengaytirişdan iborat böldi.
Intellektual bahsda jamoalar Mir Alişer Navoiyning hayot yöli, serqirra ijodi, uning maşhur “Xamsa” asari, tarixiy şaxslar hamda milliy qadriyatlarimizga oid savollarga javob izladilar. Savollar mazmuni iştirokçilardan nafaqat faktlarni bilişni, balki mantiqiy xulosa çiqariş, taqqoslaş va tezkor qaror qabul qiliş könikmalarini ham talab etdi.
Öyin davomida, ayniqsa, ğazalxonlikka oid şartlar katta qiziqiş uyğotdi. Navoiy ğazallaridan parçalar keltirilib, ularning davomini topiş yoki mazmunini qisqa, aniq ifoda etiş vazifalari berildi. Bu esa jamoalarning kitobxonlik darajasi bilan birga nutq madaniyati, maʼno anglaş va jamoa bölib işlaş qobiliyatini ham namoyon qildi. Tomoşabinlar oldida şakllangan döstona raqobat muhiti bellaşuvga alohida ruh bağişlab, har bir töğri javobdan söng zalda quvonçli qarsaklar yangradi.
Tadbirda söz olganlar Navoiy asarlarida insonparvarlik, adolat, vatanparvarlik va ilm-maʼrifatga intiliş kabi yuksak ğoyalar mujassam ekanini qayd etib, bu meros bugungi kun yoşlari uçun haqiqiy hayot maktabi ekanini taʼkidladilar. Şu maʼnoda, “Zakovat” kabi intellektual loyihalar bilimni mustahkamlaş bilan birga, mafkuraviy immunitetni kuçaytiriş, yoşlarning böş vaqtini mazmunli taşkil etiş, xizmat va öqiş muhitida hamkorlik hamda özaro hurmatni oşirişga xizmat qiladi.
Bellaşuv yakunida eng yuqori natija körsatgan, zukkoligi va jipsligi bilan ajralib turgan jamoalar taşkilotçilar tomonidan diplom va esdalik sovğalar bilan taqdirlandi. Ğoliblarning eʼtirofi, iştirokçilarning faolligi va tadbirning mazmunli taşkil etilgani barçaga birdek manzur böldi.
Şimoli-ğarbiy harbiy okrug rahbariyati taşabbusi bilan ötkazilgan mazkur “Zakovat” öyini şunçaki bellaşuv emas, balki buyuk ajdodlarimizga bölgan hurmat va eʼtiborning yorqin namunasidir. Zero, Navoiyni, uning buyuk merosini va boy adabiyotimizni anglaş harbiylar hamda yoşlar uçun maʼnaviy tayanç va hayotiy yöl-yöriqdir. Navoiy asarlari insonparvarlik, adolat, vatanparvarlik, matonat va halollik kabi fazilatlarni mustahkamlaydi. Harbiylar uçun bu meros xizmat burçini ongli ado etiş, xalqqa sadoqat va xizmat jarayonida qatʼiy intizomni namoyon qilişga yordam beradi. Talab yoşlar esa Navoiy ijodi orqali milliy özlikni his etadi, maʼnaviy immunitetini kuçaytiradi, nutq madaniyati va fikrlaş darajasini oşiradi.
Bu kabi maʼnaviy-maʼrifiy tadbirlar yoşlarni vatanparvarlik ruhida tarbiyalaş, ularni ilm-maʼrifatga undaş va milliy qadriyatlar atrofida birlaştirişda muhim örin tutadi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
