Soni va sifati ortmoqda
Mustaqil davlatimizda fuqarolik jamiyati institutlarini rivojlantirish sohalarida keng koʻlamli islohotlar amalga oshirilmoqda. Yurtboshimiz tomonidan ilgari surilgan «Kuchli davlatdan – kuchli fuqarolik sari» printsipi kundalik hayotimizda oʻzini namoyish qilmoqda.
Nukusda Fuqarolik jamiyati shakllanishini monitoring qilish mustaqil instituti Qoraqalpogʻiston Respublikasi hududiy boʻlinmasining hisobot konferentsiyasi boʻlib oʻtdi. Oʻnda Oʻzbekiston Respublikasi Oliy Majlisi Senati aʼzolari, Qoraqalpogʻiston Respublikasi Joʻqorgʻi Kengesi, tuman va shaharlar kengashlarining deputatlari, vazirliklar, jamoat birlashmalar, nodavlat va notijorat tashkilotlar, huquqni muxofaza qilish tashkilotlari va ommaviy axborot vositalari vakillari, faol talaba-yoshlar ishtirok etdi.
Konferentsiyani institutning Qoraqalpogʻiston Respublikasi hududiy boʻlinmasi rahbari M.Soriboyev boshqarib bordi.
Tadbir qatnashchilarini Qoraqalpogʻiston Respublikasi Vazirlar Kengashi Raisi B.Yangibayev qutladi.
Konferentsiyada Qoraqalpogʻiston Respublikasi Vazirlar Kengashi Raisining oʻrinbosari, respublika Xotin-qizlar qoʻmitasi raisi Z.Ibragimova, «Mahalla» xayriya jamoat fondi Qoraqalpogʻiston Respublikasi boshqarma boshligʻi Q.Yelmuratov, Oʻzbekiston Jurnalistlar ijodiy uyushmasi Qoraqalpogʻiston boʻlimi rahbari K.Reymov, «Kamolot» yoshlar ijtimoiy harakati Qoraqalpogʻiston Respublikasi kengashi raisi J. Abdijamilov va institutning hududiy boʻlinmasi xodimlari soʻzga chiqib, yurtimizni demokratlashtirish va fuqarolik jamiyatini rivojlantirish kontseptsiyasidan kelib chiqadigan vazifalarga toʻxtab oʻtishdi.
Konferentsiyaga Qoraqalpogʻiston Respublikasi Joʻqorgʻi Kengashi Raisining oʻrinbosari A.Hamrayev, Fuqarolik jamiyatini shakllanishini monitoring qilish mustaqil instituti loyiha rahbari Sh.Yakubovlar qatnashdi.
Qoraqalpogʻiston axborot agentligi
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
