“Men aytmoqchi boʻlgan qoʻshiqlar” kitobi taqdimoti
Xudoybergan Jumamurodovning nomi tumanimiz adabiyot ixlosmandlariga yaxshi tanish. Uning turli yillarda tuman ommaviy axborot vositalarida yoritilgan sheʼrlari, maqolalari mazmunli va ixcham ifoda etilganligi bilan muxlislar qalbidan joy olgan. Oʻzining butun hayotini yosh avlod taʼlim-tarbiyasiga va ijodga baxsh etgan ijodkor oʻqituvchi hozir keksalik nafaqasida boʻlishiga qaramay, ijoddan toʻxtagani yoʻq. Adabiyot ixlosmandlariga yangi sheʼrlarini tuhfa qilish barobarida turli yillarda yozgan sheʼrlarini jamlab kitob holida nashr qildirdi. Kitobni “Men aytmoqchi boʻlgan qoʻshiqlar” deb nomladi.
Yaqinda oʻzi mehnat qilgan 12-sonli maktabda mazkur kitobning taqdimot marosimi oʻtkazildi.
Maktab maʼmuriyati va “Jayxun ilhomlari” NNT hamkorligida tashkil etilgan tadbirda Oʻzbekiston MTDP tuman Kengashi raisi Sh.Yangiboyeva, Maʼnaviyat va maʼrifat markazi tuman boʻlimi boshligʻi M.Safarboyev, tuman madaniyat boʻlimi xodimi Oybek Begimovlar qatnashdilar.
Tadbirda maktab diretori M.Qutlimurodov, oʻqituvchilar R.Boʻronova, M.Safarboyevalar oʻzlarining kitobdan olgan taassurotlari haqida, kitobning badiiy qimmati haqida gapirdilar.
Maktab oʻquvchilari “Men aytmoqchi boʻlgan qoʻshiqlar” kitobidan sheʼrlarni ifodali oʻqidilar.
Tadbir badiiy kitob targʻibotiga xizmat qilishi bilan juda ahamiyatli boʻldi.
O.RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
