“Мен айтмоқчи бўлган қўшиқлар” китоби тақдимоти
Худойберган Жумамуродовнинг номи туманимиз адабиёт ихлосмандларига яхши таниш. Унинг турли йилларда туман оммавий ахборот воситаларида ёритилган шеърлари, мақолалари мазмунли ва ихчам ифода этилганлиги билан мухлислар қалбидан жой олган. Ўзининг бутун ҳаётини ёш авлод таълим-тарбиясига ва ижодга бахш этган ижодкор ўқитувчи ҳозир кексалик нафақасида бўлишига қарамай, ижоддан тўхтагани йўқ. Адабиёт ихлосмандларига янги шеърларини туҳфа қилиш баробарида турли йилларда ёзган шеърларини жамлаб китоб ҳолида нашр қилдирди. Китобни “Мен айтмоқчи бўлган қўшиқлар” деб номлади.
Яқинда ўзи меҳнат қилган 12-сонли мактабда мазкур китобнинг тақдимот маросими ўтказилди.
Мактаб маъмурияти ва “Жайхун илҳомлари” ННТ ҳамкорлигида ташкил этилган тадбирда Ўзбекистон МТДП туман Кенгаши раиси Ш.Янгибоева, Маънавият ва маърифат маркази туман бўлими бошлиғи М.Сафарбоев, туман маданият бўлими ходими Ойбек Бегимовлар қатнашдилар.
Тадбирда мактаб диретори М.Қутлимуродов, ўқитувчилар Р.Бўронова, М.Сафарбоевалар ўзларининг китобдан олган таассуротлари ҳақида, китобнинг бадиий қиммати ҳақида гапирдилар.
Мактаб ўқувчилари “Мен айтмоқчи бўлган қўшиқлар” китобидан шеърларни ифодали ўқидилар.
Тадбир бадиий китоб тарғиботига хизмат қилиши билан жуда аҳамиятли бўлди.
О.РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
