OʻZBEKNING IKKI BUYuK SIYMOSI
Oʻz hayoti davomida Navoiy bobomiz juda koʻp badiiy-ilmiy, tarixiy asarlar yaratdi. Shuning uchun ham Navoiy hazratlari 1501-yil 3-yanvarda Hirotda vafot etganlarida butun mamlakat motam tutadi.
Mustaqillikning ilk kunlaridanoq, 1991-yilning 26-sentyabrida mamlakatimiz poytaxtidagi Oʻzbekiston milliy bogʻida Alisher Navoiyning ulugʻvor haykali qad rostladi.
Zahiriddin Muhammad Bobur taʼkidlaganidek, tarixda hech kim turkiy tilda Navoiychalik "koʻp va xoʻp (yaxshi) asarlar yozgan emas”. Oʻzbekiston Respublikasi Prezidenti I.A.Karimovning "Yuksak maʼnaviyat – yengilmas kuch” asarida Alisher Navoiy haqida shunday deyiladi: "Agar bu zotni avliyo desak, u avliyolarning avliyosi, mutafakkir desak, mutafakkirlarning mutafakkiri, shoir desak, shoirlarning sultonidir”.
Keyingi yillarda Tokio, Boku va Moskvada ulugʻ oʻzbek shoirining haykali qad rostladi. Uning bu yil 575-yilligi keng miqyosda nishonlanmoqda.
* * *
Bobur xalqimizning har jihatdan yetuk, gʻayratli, isteʼdodli va komil farzandi edi. U oʻta notinch, sargardonlikda kechgan umrini zoʻr salohiyati tufayli jozibador qila oldi. Uning hayoti jang bilan emas, ilhombaxsh onlar bilan ham toʻla edi.
Uning "Boburnoma” asari nafaqat oʻzbek adabiyoti, balki jahon adabiyotining ham nodir namunasi hisoblanadi. Bu memuar (esdalik) asarida Bobur oʻn ikki yoshida taxtga chiqishidan boshlab umrining oxirigacha koʻrgankechirganlarini bayon etadi.
Bobur oʻzbek va fors tillarida ijod etgan zullisonayn shoirdir. U 1519-yilda "Qobul devoni”, 1528-yil "Hind devoni” nomlari bilan ikkita katta devon tuzdi. Zahiriddin Muhammad Bobur asarlari biz yoshlar uchun juda katta tarbiya maktabidir. Biz bu buyuk maʼnaviy merosdan vatanparvarlik, odamiylik, mehr-oqibat, millatlararo totuvlik tuygʻularini anglab olamiz.
Sevara ShERIMBETOVA,
8-sonli ixtisoslashtirilgan davlat
umumtaʼlim maktabining 8-sinf oʻquvchisi.
(Foto - http://turkistonpress.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
