HISOBOTLARNI ELEKTRON TARTIBDA TOPShIRISh tizimining afzalliklari

Prezidentimizning 2012-yil 16-iyuldagi PK-4453-sonli qaroriga asosan bozor iqtisodiyoti talablariga, xalqaro meʼyorlar va standartlarga muvofiq, byurokratik gʻovlarni bartaraf etish, litsenziya va ruxsat berish tartib-taomillarini qisqartirish hamda soddalashtirish, hisobot tizimini va hisobotlarni taqdim etish tartibini tubdan takomillashtirish hisobiga ishbilarmonlik muhitini tubdan yaxshilash, tadbirkorlik faoliyati uchun maksimal darajada qulay shart-sharoitlarni vujudga keltirish maqsadida 2014-yilning oxiriga qadar barcha tadbirkorlik statistik, soliq va moliyaviy hisobotlarni topshirishning elektron tizimiga toʻla hajmda bosqichma-bosqich oʻtkazilishini, shuningdek, 2012-2016-yillar mobaynida ariza beruvchilarga arizalarning oʻtish jarayonini interaktiv kuzatish imkoniyatini yaratgan holda litsenziya va ruxsatnomalarni olish uchun internet tarmogʻi orqali arizalarni berishning elektron shakllari joriy etilishi belgilab berilgan.

Bugungi kunda Amudaryo tumanida soliq toʻlovchilar Oʻzbekiston Respublikasi Davlat soliq qoʻmitasining interaktiv xizmatlaridan samarali foydalanmoqdalar, ular soliq va moliyaviy hisobotlarini oʻz ofislarida oʻtirgan holda Davlat soliq inspektsiyasiga tashrif buyurmasdan elektron tarzda taqdim etmoqdalar. Bu esa soliq toʻlovchilar vaqtlari va xarajatlarini tejab, tadbirkorlik faoliyatlariga ijobiy taʼsirini koʻrsatmoqda.

Soliq hisobotlarini elektron tartibda topshirish boʻyicha Amudaryo tumani Davlat soliq inspektsiyasi binosida Oʻzbekiston Respublikasi Davlat soliq qoʻmitasi huzuridagi Respublika axborot-maslahat markazi Qoraqalpogʻiston boʻlinmasining hisobotlarni elektron tartibda topshirish va boshqada xizmatlar koʻrsatish shoxobchasi, shuningdek, Soliq inspektsiyasi binosi yonida soliq toʻlovchilarga xizmat koʻrsatish boʻyicha xususiy korxona faoliyat yuritmoqda.

Moliyaviy va soliq hisobotlarni elektron koʻrinishda qabul qilish va qayta ishlash tizimi Oʻzbekiston Respublikasi Davlat soliq qoʻmitasi www.soliq.uz  amaldagi axborot portalida tashkil etilgan va unda moliyaviy va soliq hisobotlarni elektron koʻrinishda shakllantirish dasturiy vositalar hamda kanallar joylashtirilgan.Tizim WEB texnologiyasidan foydalangan holda joriy etilgan. Elektron soliq hisobotlarni shakllantirish soliq toʻlovchilar xohishiga koʻra ikki usulda: hisobot.soliq.uz yoki e-hisobot.uz  sayti orqali «Soliq toʻlovchining kabineti»  bevosita shakllantiriladi. Bu usulda elektron soliq hisobotlaridagi maʼlumotlar Davlat soliq qoʻmitasi serveriga kelib tushadi.

-avtonom rejimda EREPORTS V3.0 dasturiy mahsulidan foydalanilgan holda  elektron soliq hisobotlarini joʻnatish dasturiy mahsul  vositasi orqali yoki elektron pochta orqali amalga oshiriladi. Internet provayderi uchun toʻlangan toʻlovlardan tashqari, soliq hisobotlarini elektron koʻrinishda shakllantirish va joʻnatish shu jumladan, EREPORTS V3.0  dasturiy maxsulni  tarqatish xizmatlari tekin amalga oshiriladi.                                                      
  Soliq hisobotini elektron koʻrinishda taqdim etishga 
soliq hisobotining majburiy rekvizitlari mavjud boʻlganda, 
elektron koʻrinishdagi soliq hisobotlarida elektron raqamli imzo mavjud boʻlganda xamda soliq hisobotidagi maʼlumotlarda xatoliklar mavjud boʻlmaganda ruxsat beriladi. Soliq toʻlovchilar soliq hisobotini elektron koʻrinishda taqdim etganda davlat soliq xizmati organlarining dasturiy-apparat vositalari soliq hisobotining avtomatik tarzda qabul qilinishini yoki soliq hisoboti notoʻgʻri tuzilganligi yoki unda xatoliklar mavjudligi sababli qaytarilishini taʼminlaydi.

Soliq hisobotining notoʻgʻri tuzilganligi yoki unda xatoliklar mavjudligi sababli qaytirilgan holatda soliq organlari soliq toʻlovchiga bu haqda elektron koʻrinishda xabar  beradi. Soliq toʻlovchilar belgilangan tartibda soliq hisobotini elektron koʻrinishda taqdim etganda, soliq toʻlovchi va davlat soliq xizmati organlari qonunchilikda belgilangan tartib va muddatlarda elektron koʻrinishda saqlanishini taʼminlaydilar.

Elektron koʻrinishdagi soliq hisoboti joʻnatuvchisining elektron manzilidan joʻnatish sanasi va vaqti soliq hisobotini qabul qilib oluvchisining elektron manzilidan qabul kilib olinganligi toʻgʻrisida tasdiqnoma kelganda soliq hisobotini taqdim etish sanasi va vaqti hisoblanadi.

Elektron koʻrinishdagi soliq hisobotini qabul qilib oluvchisining elektron manziliga soliq hisoboti kelib tushgan sana va vaqt elektron koʻrinishdagi soliq hisoboti qabul qilib olingan sana va vaqt hisoblanadi.

Elektron koʻrinishdagi soliq hisobotini joʻnatish va qabul qilib olish sanasi va vaqti Oʻzbekiston Respublikasi Davlat soliq qoʻmitasining dasturiy-apparat vositalari orqali avtomatik tarzda qayd qilinadi.Soliq hisobotini elektron koʻrinishda taqdim etuvchi soliq toʻlovchi soliq hisobotidagi maʼlumotlarning oʻz vaqtida, toʻla va ishonchli taqdim etilishiga javobgar hisoblanadi.

Soliq hisobotini qabul qiluvchi va unga ishlov beruvchi davlat soliq xizmati organlarining mansabdor shaxslari keyingi foydalanish uchun qabul qilinib olinayotgan axborotga oʻz vaqtida ishlov berilishiga shaxsan javobgardirlar.