RADIOELEKTRON VOSITALARIDAN TEGIShLI RUXSATNOMASIZ FOYDALANMANG!
Radiochastota spektridan foydalanish sohasida ruxsat etish hamda radioelektron vositalar va yuqori chastotali qurilmalardan foydalanish tartibi Oʻzbekiston Respublikasining 1998-yil 25-dekabrdagi 725-I-son “Radiochastota spektri toʻgʻrisida”gi Qonuni va Oʻzbekiston Respublikasi Vazirlar Mahkamasining 2020-yil 22-dekabrdagi 801-sonli Qarorida belgilab berilgan.
Oxirgi yillarda jismoniy va yuridik shaxslar tomonidan qoida talablariga rioya qilmaslik holatlari koʻpayib bormoqda. Xususan, joriy yilning boshidan shu kunga qadar “Oʻzkomnazorat” inspektsiyasi Qoraqalpogʻiston Respublikasi hududiy boʻlimi va “Elektromagnit moslashuv markazi” DUK Qoraqalpogʻiston Respublikasi elektromagnit moslashuv xizmati hamkorligida oʻtkazilgan tezkor tadbirlar davomida noqonuniy foydalanilayotgan mobil kuchaytirgichlar (repiter) va noqonuniy REVlarini aniqlash boʻyicha oʻtkazilgan 25ta tadbirda 3ta repiter va 5ta noqonuniy REV qoidabuzilish holatlari (aniqlangan qurilmalar soni 13ta) aniqlanib, 2ta maʼmuriy choralar koʻrilgan, 6ta ogohlantirish berilgan.
Ushbu holatlar yuzasidan “Oʻzkomnazorat” inspektsiyasining Qoraqalpogʻiston Respublikasi hududiy boʻlimi tomonidan huquqbuzarliklar sabablari oʻrganilib, birinchi holat boʻyicha maʼmuriy huquqbuzarlik toʻgʻrisidagi bayonnoma rasmiylashtirilib, koʻrib chiqish uchun Jinoyat ishlari boʻyicha Nukus shahar sudiga yuborildi hamda sud tomonidan fuqaroga nisbatan maʼmuriy chora koʻrildi.
Ikkinchi holat boʻyicha “Oʻzkomnazorat” inspektsiyasining Qoraqalpogʻiston Respublikasi hududiy boʻlimi tomonidan jismoniy shaxsga nisbatan Oʻzbekiston Respublikasi “Maʼmuriy javobgarlik toʻgʻrisida”gi Kodeksining 152-moddasi 1-qismiga asosan chora koʻrilgan.
J.Dauletova,
“Oʻzkomnazorat” inspektsiyasining Qoraqalpogʻiston Respublikasi hududiy boʻlimining
Mobil aloqa tarmoqlarini nazorat qilish boʻlimi yetakchi mutaxassisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
