Xalq deputatlari Amudaryo tuman Kengashining tegishli qarori bilan Amudaryo tumanining chegaralari belgilandi
Maʼlumki, Oʻzbekiston Respublikasi Prezidenti rahbarligida 2023-yil 21-noyabr kuni oʻtkazilgan videoselektor yigʻilishida yer resurslaridan oqilona foydalanish, yer hisobini yuritish hamda kadastr xizmatlarining sifatini yaxshilash masalalari muhokama qilinib, soha mutasaddilariga tegishli topshiriqlar berilgan edi. Belgilangan vazifalarni amalga oshirish maqsadida Oʻzbekiston Respublikasi Bosh vaziri tomonidan tashdiqlangan “Yoʻl xaritasi” ishlab chiqildi.
Mazkur “Yoʻl xaritasi”ning 8-bandiga asosan, Respublika aerogeodeziya markazi Qoraqalpogʻiston Respublikasi boʻlimi tomonidan Amudaryo tumanining chegaralarini belgilash boʻyicha chegara belgilash tavsifi va chegara kartografik xaritasi loyihasi tayyorlanib, Kadastr agentligining 2024-yil 6-aprel kungi 03/08-3320-sonli xati bilan Qoraqalpogʻiston Respublikası Vazirlar Kengashiga tuman va shahar chegaralarini belgilash boʻyicha chegara chizigʻi tavsifi va chegara kartografik xaritasi loyihasi taqdim qilindi.
“Yoʻl xaritasi”ning 8- va 9-bandlari ijrosini taʼminlash maqsadida Amudaryo tumanida tuzilgan maʼmuriy-hududiy birliklar chegaralarini belgilash, yer resurslarini xatlovdan oʻtkazishni muvofiqlashtiruvchi komissiyasining 2024-yil 4-iyundagi 05/01-03/28-sonli bayoniga asosan Respublika aerogeodeziya markazi Qoraqalpogʻiston Respublikasi boʻlimi tomonidan Amudaryo tumanining maʼmuriy-hududiy birliklar chegaralarini belgilash ishlarining yakuniy natijalariga koʻra tuman chegarasiga chegara tavsifnomasi tayyorlandi.
Bunda tumanning chegaralarini belgilash ishlarini bajaruvchi Respublika aerogeodeziya markazida saqlanib kelayotgan navbatchi xaritalarga tushirilgan chizigʻiga oʻzgartirishlar kiritilganligi sababli, Amudaryo tumani bilan Xorazm viloyati Gurlan tumani oʻrtasidagi chegaradosh qismida joylashgan yerdan foydalanuvchilarning yerdan foydalanish holati oʻrganib chiqilib, yer maydonlari almashinuvi amalga oshirildi.
Bundan tashqari, Respublika aerogeodeziya markazi Qoraqalpogʻiston Respublikasi boʻlimi mutaxassislari tomonidan tayyorlagan topografik xaritalar, qabul qilingan shartli belgilarga muvofiq, kosmik suratlar, davlat koordinatalari tizimiga bogʻlangan holda elektron dastur yordamida xaritalar (1:25 000 masshtabda) tayyorlanib, ortofotoplanga tushirilgan, chegara burilish nuqtalarini aks ettiruvchi geodezik koordinatalar roʻyxati tayyorlandi va Xalq deputatlari Amudaryo tumani Kengashining qarori bilan tasdiqlandi.
Shohzod Qurbonboyev
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
