Энергия ресурсларидан самарали фойдаланиш масаласида тарғибот тадбирлари ташкил этилмоқда
Амударё тумани прокурори Азиз Рўзметов ташаббуси билан энергия ресурсларидан самарали фойдаланиш ва уларни иқтисод қилиш бўйича қатор ташкилотлар, соҳа масъуллари билан учрашув ташкил этилди. Туман кўп тармоқли марказий поликлиникаси биносида туман газ таъминоти корхонаси, Тиббиёт бирлашмаси, Мактабгача ва мактаб таълими бўлими ҳамда бошқа қатор ташкилотлар раҳбарлари иштирокида табиий газни иқтисод қилиш бўйича тушунтириш ишлари олиб борилди.
Тарғибот тадбирида туман прокурори Азиз Рўзметов электр энергияси ва табиий газ ресурсларидан самарали фойдаланиш борасида амалга оширилаётган ислоҳотлар, энергия манбаларини иқтисод қилиш, куз-қиз мавсумини беталафот ўтказиш мақсадида пухта тайёргарлик кўриш лозимлиги хусусида сўз юритди.
Таъкидлаш лозимки, Ўзбекистон Республикаси Президентининг 2023 йил 13 февралдаги “Ёқилғи-энергия ресурсларидан фойдаланиш соҳасида давлат назорати самарадорлигини ошириш чора-тадбирлари тўғрисида”ги қарори соҳадаги ишларни тартибга солишда муҳим дастуруламал бўлмоқда.
Ёқилғи-энергия ресурсларидан ноқонуний фойдаланиш ҳолатларини бартараф этиш ва олдини олиш, улардан самарали ва оқилона фойдаланиш орқали иқтисодиёт тармоқлари ва ижтимоий соҳанинг энергия самарадорлигини ошириш, истеъмолчилар томонидан электр энергияси ва табиий газдан фойдаланиш қоидаларига риоя этилиши устидан назоратни кучайтириш мақсадида имзоланган Президент қарорини ижро қилиш мақсадида Ўзбекистон Республикаси Вазирлар Маҳкамасининг “Электр энергияси ва табиий газдан фойдаланиш қоидаларини тасдиқлаш тўғрисида”ги қарори имзоланган. Ушбу ҳужжатлар асосида жойларда самарали ишлар ташкил этилмоқда.
Амударё тумани прокурори ўз сўзида, тегишли масъуллар томонидан ўтказилаётган ўрганишлар жараёнида аниқланган камчиликларни зудлик билан бартараф этиш, куз-қиш ойларида кўп квартирали уйларда истиқомат қилувчи аҳоли хонадонлари ва ижтимоий соҳа объектларини барқарор иссиқлик энергияси билан таъминлаш, қор-ёмғирли кунларда кўп қаватли биноларнинг томидан чакки ўтмаслигини таъминлаш борасида олдинда турган устувор вазифалари хусусида тўхталди.
Шунингдек, тадбир мобайнида туман газ таъминоти корхонаси ҳамда электр тармоқлари корхонаси масъул ходимлари томонидан энергия тежовчи ускуналар тўғрисида маълумотлар берилди, хусусан, эскирган табиий газ ёндиргичларидан фойдаланишнинг салбий оқибатлари, ёндиргичларни янгиларига алмаштириш лозимлиги, тежамкор лампалардан фойдаланиш орқали электр энергияси катта миқдорда тежалиши мумкинлиги хусусида маълумотлар берилди. Қолаверса, тадбир иштирокчилари томонидан мавзуга оид йўлланган саволларга мутахассислар томонидан аниқ мисоллар билан жавоблар берилди. Бу каби тарғибот тадбирлари тумандаги барча ҳудудларда давом этмоқда.
Чарос Арслонова, туман ҳокимлигининг Ахборот хизмати раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
