Овул ва маҳаллаларда “Турмуш” профилактик тарғибот-тушунтириш тадбирлари ўтказилмоқда
Маълумки, Ўзбекистон маҳаллалари уюшмаси ҳамда Ўзбекистон Республикаси Ички ишлар вазирлиги ўртасида жорий йилнинг 5 май куни ўзаро ҳамкорлик Меморандуми имзоланган эди. Мазкур ҳужжатда белгиланган вазифаларни амалга ошириш, жамиятда соғлом ижтимоий-маънавий муҳитни сақлаш, аҳоли орасида миллий қадриятлар, халқимизга хос урф-одат ва анъаналарни кенг тарғиб қилиш мақсадида тегишли соҳа вакиллари томонидан Амударё туманидаги овул ва маҳаллаларда “Турмуш” профилактик тадбирлари ташкил қилиняпти.
Овул ва маҳаллалар “еттилиги” ҳамда туман Ички ишлар бўлими ходимлари билан ҳамкорликда ҳуқуқбузарлик содир этиш ва ундан жабрланиш эҳтимоли юқори бўлган шахсларга қўлланиладиган ижтимоий профилактика чора-тадбирларини амалга ошириш, ҳуқуқбузарлик содир этишга мойил шахсларни аниқлаш, бундай тоифадаги фуқаролар билан якка тартибда профилактик ишларни ташкил этиш юзасидан кўрилаётган чора-тадбирлар натижасида жиноятларнинг барвақт олдини олишга эришилмоқда.
Амударё туманидаги Дўстлик маҳалласи ҳамда Ўрта қалъа овулида ташкил қилинган профилактик тадбирлар ҳам оила-турмуш муносабатлари доирасида содир этилиши мумкин бўлган ҳуқуқбузарликларнинг барвақт олдини олишга қаратилганлиги билан муҳим аҳамият касб этади.
Оила – муқаддас қўрғон. Унинг тинчлиги, равнақи ва барқарорлиги, жамиятдаги соғлом муҳит асоси ва юрт фаровонлиги ҳисобланади. Бироқ баъзи ҳолатларда оилавий низолар сабаб ҳаётимизда кўплаб кўнгилсиз воқеалар содир бўляпти. Шунинг учун нуронийларнинг: “бир кун жанжал бўлган уйдан қирқ кун барака кетади”, деб насиҳат қилишлари бежизга эмас.
Белгиланган вазифаларга кўра, оилавий муносабатлар доирасида тез-тез низолар кузатиладиган нотинч оилалар рўйхати шакллантирилиб, улар билан профилактик суҳбатлар олиб бориляпти ва мавжуд муаммоларни ҳал қилиш юзасидан манзилли ишлар амалга оширилмоқда. Шунингдек, оилавий муносабатлар доирасида жиноят ва маъмурий ҳуқуқбузарлик содир этган фуқароларнинг хонадонида соғлом турмуш тарзини таъминлаш юзасидан чора тадбирлар янада кучайтирилди.
Хусусан, оилавий-маиший зўровонликлар бўйича маъмурий ҳуқуқбузарлик содир этган 27 нафар фуқарога нисбатан жиноят ишлари бўйича Амударё тумани суди томонидан Маъмурий жавобгарлик тўғрисидаги Кодекснинг тегишли моддалари билан жарима жазолари қўлланилган. Тазйиқ ва зўравонликка учраган 170дан ортиқ хотин-қизларга ҳимоя ордери берилиб, туман Ички ишлар бўлими томонидан доимий назоратга олинган. Бу тоифадаги фуқароларга Хотин-қизларни касбга тайёрлаш мономарказларида ўқишлари учун амалий ёрдам бериб келинмоқда. Тазйиқ ва зўравонликлар оқибатида соғлиги ёмонлашган хотин-қизларнинг туман Тиббиёт бирлашмасида саломатликларини тиклашлари учун ёрдам кўрсатилмоқда. Шунингдек, бу каби 2та оиланинг фарзандларига оромгоҳларда дам олишлари учун йўлланма берилган.
Таъкидлаш жоизки, юртимизда оила ҳамиша давлат ҳимоясида ва олий қадрият сифатида эъзозланади. Ёш авлоднинг жисмонан соғлом, маънан етук инсон бўлиб улғайишларида оила ва жамиятдаги соғлом муҳитни таъминлаш ҳар биримизнинг инсон сифатидаги юксак бурчимиздир.
И. Ўрозматова, Амударё тумани ИИБ жамоат хавфсизлиги хизмати ҳуқуқбузарликлар профилактикаси бўлинмаси хотин-қизлар масаласи бўйича катта инспектори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
