БИТИРУВЧИЛАР ХУСУСИДА ҒАМХЎРЛИК
Камолга етиб келаётган ёш авлодга ғамхўрлик мамлакатимиз сиёсатининг устувор йўналишларидандир.
Хусусан, касб-ҳунар коллежлари битирувчиларини ўзларининг эгаллаган ихтисосликлари бўйича ишга жойлаштиришни таъминлашга, уларни ҳар томонлама қўллаб-қувватлашга эътибор қаратилмоқда. Натижада мавжуд ўрта махсус, касб-ҳунар таълими битирувчиларининг бир қисми олий ўқув юртларида ўқишни давом эттираётган бўлсалар, айримлари меҳнат фаолиятини бошлаб юбордилар. Шунингдек, ўз хусусий бизнесини очиб, тадбиркорлик фаолияти билан шуғулланиш истагида бўлган ёшларга тижорат банклари томонидан имтиёзли кредитлар ажратилмоқда. Шунга қарамасдан, ўрта махсус, касб-ҳунар таълими муассасалари битирувчиларини ўз ихтисосликлари бўйича ишга жойлаштиришда хато-камчиликларга йўл қўйилаётганлигини инобатга олган ҳолда, Ўзбекистон Республикаси Вазирлар Маҳкамаси шу йилнинг 10 мартида "Касб-ҳунар коллежлари битирувчиларини ишга жойлаштириш тизимини янада такомиллаштириш бўйича қўшимча чора-тадбирлар тўғрисида” қарор қабул қилди.
Мазкур қарорга мувофиқ энди аввалгидек битирувчиларни ишга жойлаштиришда меҳнат қонунчилигининг бузилиш ҳолларига, фақат ҳисоботларда ишга жойлаштирилди, деб қайд этилиб, амалда бу ўз тасдиғини топмай қолишига йўл қўйилмайди. Эндиликда битирувчиларни, кейинчалик эгаллаган касблари бўйича ишга жойлаштиришни назарда тутган ҳолда, ишлаб чиқариш амалиётини ўташ учун аниқ ташкилотларга – иш берувчиларга бириктиришга доир манзилли тадбирлар ижроси таъминланишини тегишли Вазирликлар қатъий назорат қилиб боради. Қарор мазмун-моҳияти ўрта махсус, касб-ҳунар таълими муассасалари битирувчиларининг меҳнат бозорига дадиллик билан кириб келишига имкон яратиши билан ҳам жуда аҳамиятлидир.
Маълумки бандлигини таъминламай, фойдали ишга жалб қилмай туриб, ёшлардан жамиятимиз ҳеч қандай наф кўрмайди. Қолаверса, бекорчи, ишсиз ёшлар ичиш, чекиш каби зарарли иллатларга тез берилиб кетаётгани ҳам ҳаётий ҳақиқат. Шу маънода олиб қарайдиган бўлсак, мазкур қарор бугунги кунимиз учун жуда долзарбдир. Бу бизнинг, "Камолот” ЁИҲ туман Кенгашининг ёшларнинг бандлигини таъминлаш, уларга муносиб меҳнат шароитлари яратиш борасидаги мақсад-вазифаларимизга ҳам ҳамоҳангдир.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
