Туман ОАВ фаолиятига оид асосий рақамлар
1934 йилнинг баҳорида Хоразм вилоятининг Манғит туманида (1958 йилгача Манғит Хоразм вилояти таркибида бўлган) “Сталинчи”, 1934 йил 5 май куни эса Қорақалпоғистоннинг Қипчоқ туманида “Социализм йўли” газеталарининг илк сони чиққан эди.
1957 йилнинг охирида Қорақалпоғистон Республикасининг Қипчоқ тумани ва Хоразм вилоятининг Манғит тумани бирлаштирилиб, Амударё тумани ташкил этилди ва бу муҳим ижтимоий-сиёсий воқеа муносабати билан 1958 йилнинг 1 январидан “Амударё ҳақиқати” деб номланган газета ташкил этилди.
1962 йилнинг ноябрь ойида туман газеталарини тугатиш тўғрисидаги ҳукумат Қарори қабул қилинади ва “Амударё ҳақиқати” газетаси ҳам 1962 йилда тугатилади. Шундан сўнг Тўрткўл, Беруний, Амударё туманларининг биргаликдаги туманлараро “Коммунизм ғалабаси” деб номланган газетаси ташкил этилган.
1965 йилнинг март ойида бўлиб ўтган собиқ КПСС Марказий комитетининг Пленумида туман газеталарини қайта ташкил этиш тўғрисида Қарор қабул қилинди. Шу тариқа 1965 йил 15 июнда Амударё туман фирқа қўмитаси ва ижроия қўмитаси органи – “Амударё ҳақиқати” газетаси қайта ташкил этилди. 1965 йилнинг 1 июлида қайта ташкил этилган газетанинг дастлабки сони ёруғликка чиқди.
2010 йил 1 сентябрдан бошлаб "Амударё телевидениеси" МЧЖнинг "АмуТВ" телеканали Манғит шаҳридаги аналог русумли телеузатгичдан ҳафтасига 3 кун, кунига 2 соат давомийликда эфирга узатила бошлади.
2012 йилда “Амударё ҳақиқати” газетаси давр билан ҳамнафас ҳолда “Тараққиёт кўзгуси” дея қайта номланиб, Қорақалпоғистон Республикаси Матбуот ва ахборот агентлигидан қайта рўйхатдан ўтказилди.
2012 йилнинг 1 апрелидан “Тараққиёт кўзгуси” газетаси интернет тармоғида ўзининг расмий веб-сайтига эга бўлди. Интернет тармоғида Амударё тумани, унинг бугунги ҳаёти ҳақида тезкор, холис ва ишончли ахборот тарқатиш мақсадида 2012 йил 31 июлда ушбу amunews.uz веб-сайти мустақил оммавий ахборот воситаси сифатида рўйхатдан ўтказилди ва Қорақалпоғистон Республикасида биринчи Интернет орқали тарқатиладиган оммавий ахборот воситасига асос солинди.
2019 йилнинг январь ойидан бошлаб Амударё телевидениеси рақамли форматда, Манғит РТСга янги ўрнатилган телеузатгичдан, 2019 йилнинг сентябрь ойидан бошлаб эса Нукус шаҳри ва шаҳар атрофидаги туманларга эфирга узатила бошлади.
Ҳозирги кунда "ATV" телеканали кўрсатувлари ҳар куни, кунига 18-20 соат давомийликда Нукус шаҳри, Манғит, Қўнғирот, Мўйноқ ва Тахтакўпир туманларидаги умумий қуввати 9,5 кВт бўлган 5 та рақамли телеузатгичлар орқали Қорақалпоғистон бўйлаб эфирга узатилмоқда.
Бугунги кунга келиб amunews.uz веб-сайтида 10 мингга яқин мақола, 15 мингдан ортиқ фотосуратлар, сайтнинг Telegram'даги расмий каналида эса 25 мингга яқин пост, 20 мингдан ортиқ фото- ва мингдан ортиқ видеоматериаллар эълон қилинган.
"ATV" телеканалининг YouTube'даги расмий канали эса 50 мингдан ортиқ обуначиларга эга. Каналдаги 6 мингга яқин видеолар жами 5 миллион мартага яқин кўрилган.
"ATV" телеканалини нафақат телевизор, балки мобиль қурилмалар ҳамда смартфонлар орқали ҳам томоша қилиш мумкин. Бунинг учун қуйидаги ҳаволаларга ўтинг:
• Mediabay
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
