Tuman OAV faoliyatiga oid asosiy raqamlar
1934-yilning bahorida Xorazm viloyatining Mangʻit tumanida (1958-yilgacha Mangʻit Xorazm viloyati tarkibida boʻlgan) “Stalinchi”, 1934-yil 5-may kuni esa Qoraqalpogʻistonning Qipchoq tumanida “Sotsializm yoʻli” gazetalarining ilk soni chiqqan edi.
1957-yilning oxirida Qoraqalpogʻiston Respublikasining Qipchoq tumani va Xorazm viloyatining Mangʻit tumani birlashtirilib, Amudaryo tumani tashkil etildi va bu muhim ijtimoiy-siyosiy voqea munosabati bilan 1958-yilning 1-yanvaridan “Amudaryo haqiqati” deb nomlangan gazeta tashkil etildi.
1962-yilning noyabr oyida tuman gazetalarini tugatish toʻgʻrisidagi hukumat Qarori qabul qilinadi va “Amudaryo haqiqati” gazetasi ham 1962-yilda tugatiladi. Shundan soʻng Toʻrtkoʻl, Beruniy, Amudaryo tumanlarining birgalikdagi tumanlararo “Kommunizm gʻalabasi” deb nomlangan gazetasi tashkil etilgan.
1965-yilning mart oyida boʻlib oʻtgan sobiq KPSS Markaziy komitetining Plenumida tuman gazetalarini qayta tashkil etish toʻgʻrisida Qaror qabul qilindi. Shu tariqa 1965-yil 15-iyunda Amudaryo tuman firqa qoʻmitasi va ijroiya qoʻmitasi organi – “Amudaryo haqiqati” gazetasi qayta tashkil etildi. 1965-yilning 1-iyulida qayta tashkil etilgan gazetaning dastlabki soni yorugʻlikka chiqdi.
2010-yil 1-sentyabrdan boshlab "Amudaryo televideniyesi" MChJning "AmuTV" telekanali Mangʻit shahridagi analog rusumli teleuzatgichdan haftasiga 3 kun, kuniga 2 soat davomiylikda efirga uzatila boshladi.
2012-yilda “Amudaryo haqiqati” gazetasi davr bilan hamnafas holda “Taraqqiyot koʻzgusi” deya qayta nomlanib, Qoraqalpogʻiston Respublikasi Matbuot va axborot agentligidan qayta roʻyxatdan oʻtkazildi.
2012-yilning 1-aprelidan “Taraqqiyot koʻzgusi” gazetasi internet tarmogʻida oʻzining rasmiy veb-saytiga ega boʻldi. Internet tarmogʻida Amudaryo tumani, uning bugungi hayoti haqida tezkor, xolis va ishonchli axborot tarqatish maqsadida 2012-yil 31-iyulda ushbu amunews.uz veb-sayti mustaqil ommaviy axborot vositasi sifatida roʻyxatdan oʻtkazildi va Qoraqalpogʻiston Respublikasida birinchi Internet orqali tarqatiladigan ommaviy axborot vositasiga asos solindi.
2019-yilning yanvar oyidan boshlab Amudaryo televideniyesi raqamli formatda, Mangʻit RTSga yangi oʻrnatilgan teleuzatgichdan, 2019-yilning sentyabr oyidan boshlab esa Nukus shahri va shahar atrofidagi tumanlarga efirga uzatila boshladi.
Hozirgi kunda "ATV" telekanali koʻrsatuvlari har kuni, kuniga 18-20 soat davomiylikda Nukus shahri, Mangʻit, Qoʻngʻirot, Moʻynoq va Taxtakoʻpir tumanlaridagi umumiy quvvati 9,5 kVt boʻlgan 5 ta raqamli teleuzatgichlar orqali Qoraqalpogʻiston boʻylab efirga uzatilmoqda.
Bugungi kunga kelib amunews.uz veb-saytida 10 mingga yaqin maqola, 15 mingdan ortiq fotosuratlar, saytning Telegram'dagi rasmiy kanalida esa 25 mingga yaqin post, 20 mingdan ortiq foto- va mingdan ortiq videomateriallar eʼlon qilingan.
"ATV" telekanalining YouTube'dagi rasmiy kanali esa 50 mingdan ortiq obunachilarga ega. Kanaldagi 6 mingga yaqin videolar jami 5 million martaga yaqin koʻrilgan.
"ATV" telekanalini nafaqat televizor, balki mobil qurilmalar hamda smartfonlar orqali ham tomosha qilish mumkin. Buning uchun quyidagi havolalarga oʻting:
• Mediabay
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
