БОШ ҚОМУСИМИЗДА ТАЪЛИМ-ТАРБИЯ ИСТИҚБОЛИ МУСТАҲКАМЛАНГАН
Давлат мактабгача таълим ва тарбияни ривожлантириш учун шарт-шароитлар яратади.
Конституциянинг 50-моддасидан.
Келажаги буюк давлат, эркин фуқаролик, ҳуқуқий демократик жамият қуришда таълим-тарбия ҳал қилувчи аҳамиятга эгадир.
Янгиланган Контитуциямизда ҳам таълим-тарбия масалаларига устуворлик берилиб, 50-, 51-, 52-, 53-моддаларда илм-маърифатга эътибор мустаҳкам кафолатлаб қўйилган. Ушбу моддаларга мувофиқ, мактабгача таълим ва тарбия, умумий ўрта таълим давлат назоратидадир.
Асосий Қонунимизга кўра, мактаб ишлари, мактабгача таълим ва тарбия давлат назоратида бўлади. Таълим бўйича алоҳида эҳтиёжларга ва индивидуал имкониятларга эга бўлган болалар учун таълим ташкилотларида инклюзив таълим ва тарбия ташкил этилади. Давлат истеъдодли ёшларнинг моддий аҳволидан қатъий назар, таълимни давом эттиришини кафолатлайди. Давлатга қарашли, хусусий ва бошқа шаклдаги таълим муассасалари ҳамда ташкилотларини ривожлантириш учун давлат тенг шарт-шароитлар яратади.
Амударё туманида 52та давлат, 81та оилавий, 4та давлат-хусусий шериклик асосидаги, жами 137та мактабгача таълим ташкилотлари фаолият кўрсатиб келмоқда. Туманда мактабгача тарбия ёшидаги 3-7 ёшли болалар 17009 нафарни ташкил қиладиган бўлса, уларнинг 12456 нафари, яъни 73,2 фоизи МТТларга қамраб олинган. Шундан 9651 нафари давлат МТТларида, 2516 нафари оилавий нодавлат МТТларида, 289 нафари 4та давлат-хусусий шериклик асосида фаолият юритаётган МТТларда тарбияланмоқда.
Боланинг таълим-тарбияси қанча эрта бошланса, шунча яхши самара беради. Бунда уч, беш ва етти ёшгача бўлган оралиқ босқичлар муҳим ўрин тутади ва уларнинг бири кейингисига ўзига хос замин тайёрлайди. Мактабда болаларнинг таълимни яхши ўзлаштириши эса кўп жиҳатдан мактабгача таълим ташкилотидаги олган илк таълим-тарбиясига боғлиқ.
Мактабгача таълим узлуксиз таълимнинг бошланғич қисми сифатида болада билим олишга кўникма ҳосил қилади, уни ўқув жараёнига тайёрлаб боради. Илк ва мактабгача ёшдаги болаларни ривожлантириш бўйича давлат талабларига мувофиқ ва халқаро стандартлар асосида ишлаб чиқилган “Илк қадам” давлат ўқув дастури бу борада муҳим аҳамият касб этмоқда.
Янгиланган Конституциямиз таълим-тарбия жараёнидаги ислоҳотларни сифат жиҳатидан янада юқори босқичга кўтаришга хизмат қилади. Зеро, таълим тизимига эътибор бўлган жойда ривожланиш сари қадамлар ташланаверади.
Ҳулкар Бобожонова,
туман ММТБ Давлат-хусусий шериклик асосидаги
МТТлар фаолиятини ташкил этиш бўйича методисти.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
