БОЛАЛАР ҲУҚУҚЛАРИ АСОСИЙ ҚОМУСИМИЗДА МУСТАҲКАМЛАНГАН
Мамлакатимизда болалар ҳуқуқларини ҳимоя қилиш бўйича тегишли ҳуқуқий база шаклланган бўлиб, амалга оширилаётган барча ишларда алоҳида аҳамият касб этмоқда.
Шуни таъкидлаш жоизки, бола ҳуқуқлари соҳасида қонунчиликнинг асосини Ўзбекистон Республикаси Конституцияси ташкил этади. Унга мувофиқ бола туғилиши биланоқ инсон ва фуқаро сифатида ҳуқуқ, эркинликлари вужудга келади ҳамда улар давлат томонидан кафолатланади.
Конституциянинг 65-моддасига кўра болалар ота-оналарининг келиб чиқиши ва фуқаролик ҳолатидан қатъий назар қонун олдида тенгдирлар. Болаларнинг ҳуқуқларини ҳимоя қилиш бўйича амалда бўлган қонунчилик Конституциямиз нормаларини Бола ҳуқуқлари ҳақидаги Конвенцияга мувофиқ ҳолда такомиллаштиришга йўналтирилган. Шунингдек, бола ҳуқуқ ва манфаатларининг барча қирраларини қамраб олган “Бола ҳуқуқларининг кафолатлари тўғрисида”ги Ўзбекистон Республикаси Қонуни ҳам Конституция ва қонунларда, Бола ҳуқуқлари тўғрисидаги Конвенцияда назарда тутилган бола ҳуқуқларининг асосий ва қўшимча кафолатларини ўз ичига олган. Жамиятимизда Асосий Қонунимизга кўра ташкил этилган мазкур ҳужжатлар асосида вояга етмаган ёш авлоднинг ҳуқуқлари ҳимоя қилинади.
Бу борадаги ислоҳотларни изчил давом эттириш мақсадида Президентимиз томонидан “Бола ҳуқуқларининг кафолатларини таъминлаш тизимини янада такомиллаштириш чора-тадбирлари тўғрисида”ги Фармон қабул қилинди. Мазкур Фармонда болалар ҳуқуқлари, эркинликлари ва қонуний манфаатларини ишончли ҳимоя қилишнинг институционал ва ҳуқуқий асосларини тубдан такомиллаштириш, болалар орасида назоратсизлик ва ҳуқуқбузарликлар содир этилишининг барвақт олдини олиш ва бошқа мақсадлар кўзланган. Унда белгиланган вазифаларнинг амалга оширилишини таъминлаш бўйича Вазирлар Маҳкамасида ва ҳудудларда Болаларни ҳимоя қилиш масалалари шўъбаси ташкил қилинди.
Ёш авлодни ўз ҳуқуқ ва мажбуриятларини англаган жамиятнинг фаол аъзолари сифатида тарбиялаш даркор. Уларнинг бу борадаги билими ва ҳуқуқий маданиятини оширишда Конституция ва қонунлар муҳим аҳамият касб этади.
Ж.Холмуродов, туман ҳокимлигининг
Болаларни ҳимоя қилиш масалалари шўъбаси раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
