BOLALAR HUQUQLARI ASOSIY QOMUSIMIZDA MUSTAHKAMLANGAN
Mamlakatimizda bolalar huquqlarini himoya qilish boʻyicha tegishli huquqiy baza shakllangan boʻlib, amalga oshirilayotgan barcha ishlarda alohida ahamiyat kasb etmoqda.
Shuni taʼkidlash joizki, bola huquqlari sohasida qonunchilikning asosini Oʻzbekiston Respublikasi Konstitutsiyasi tashkil etadi. Unga muvofiq bola tugʻilishi bilanoq inson va fuqaro sifatida huquq, erkinliklari vujudga keladi hamda ular davlat tomonidan kafolatlanadi.
Konstitutsiyaning 65-moddasiga koʻra bolalar ota-onalarining kelib chiqishi va fuqarolik holatidan qatʼiy nazar qonun oldida tengdirlar. Bolalarning huquqlarini himoya qilish boʻyicha amalda boʻlgan qonunchilik Konstitutsiyamiz normalarini Bola huquqlari haqidagi Konventsiyaga muvofiq holda takomillashtirishga yoʻnaltirilgan. Shuningdek, bola huquq va manfaatlarining barcha qirralarini qamrab olgan “Bola huquqlarining kafolatlari toʻgʻrisida”gi Oʻzbekiston Respublikasi Qonuni ham Konstitutsiya va qonunlarda, Bola huquqlari toʻgʻrisidagi Konventsiyada nazarda tutilgan bola huquqlarining asosiy va qoʻshimcha kafolatlarini oʻz ichiga olgan. Jamiyatimizda Asosiy Qonunimizga koʻra tashkil etilgan mazkur hujjatlar asosida voyaga yetmagan yosh avlodning huquqlari himoya qilinadi.
Bu boradagi islohotlarni izchil davom ettirish maqsadida Prezidentimiz tomonidan “Bola huquqlarining kafolatlarini taʼminlash tizimini yanada takomillashtirish chora-tadbirlari toʻgʻrisida”gi Farmon qabul qilindi. Mazkur Farmonda bolalar huquqlari, erkinliklari va qonuniy manfaatlarini ishonchli himoya qilishning institutsional va huquqiy asoslarini tubdan takomillashtirish, bolalar orasida nazoratsizlik va huquqbuzarliklar sodir etilishining barvaqt oldini olish va boshqa maqsadlar koʻzlangan. Unda belgilangan vazifalarning amalga oshirilishini taʼminlash boʻyicha Vazirlar Mahkamasida va hududlarda Bolalarni himoya qilish masalalari shoʻʼbasi tashkil qilindi.
Yosh avlodni oʻz huquq va majburiyatlarini anglagan jamiyatning faol aʼzolari sifatida tarbiyalash darkor. Ularning bu boradagi bilimi va huquqiy madaniyatini oshirishda Konstitutsiya va qonunlar muhim ahamiyat kasb etadi.
J.Xolmurodov, tuman hokimligining
Bolalarni himoya qilish masalalari shoʻʼbasi rahbari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
