“ОНА ВАТАН ИСТИҚБОЛИ УЧУН ОВОЗ БЕРАМИЗ”
Бугунги кунда мамлакатимизда Ўзбекистон Республикаси Президенти сайловига тайёргарлик ишлари ўзаро жипслик ва уюшқоқлик асосида давом этмоқда. Юртдошларимиз ҳаётида муҳим ўрин тутадиган ушбу сиёсий тадбир олдидан жойларда сайловолди тарғибот ва ташвиқот ишлари олиб борилмоқда.
Туман ҳокимлиги томонидан тузилган ана шундай тарғибот гуруҳи аъзолари Бобур номли овулдаги Мелиорация ва сув хўжалиги касб-ҳунар коллежи ўқувчи-ёшлари билан мулоқотда бўлдилар. "Биз ёшлар она Ватан истиқболи учун овоз берамиз!” мавзусида ўтказилган мазкур сайловолди тадбирида коллеж ўқувчилари 4 декабрь – Ўзбекистон Республикаси Президенти сайловига алоҳида эътибор билан тайёргарлик кўришаётганларини намоён этишди.
Улар мамлакатимизда ўқувчи-ёшлар учун яратилган жаҳон андозаларига мос шарт-шароитлар туфайли ўзлари ўқишда ва ҳаётда эришаётган ютуқлари ҳақида тўлқинланиб гапирдилар. Ушбу сиёсий тадбирда биринчи марта овоз беришга тайёрланаётган коллежнинг 3-босқич талабалари Ўзбекистон ёшларини ҳар томонлама қўллаб-қувватлаб, эл-юрт фаровонлиги ва тинчлигини таъминлашга хизмат қилувчи номзод учун овоз беражакларини билдирдилар.
Тадбирда сайловолди тарғибот гуруҳи раҳбари – "Камолот” ёшлар ижтимоий ҳаракати туман Кенгаши раиси Мансур Ўрозбоев, туман халқ таълими муассасалари фаолиятини методик таъминлаш ва ташкил этиш бўлими ҳузуридаги давлат таълим стандартларига риоя этиш мониторингини услубий таъминлаш кичик гуруҳи раҳбари, халқ депутатлари туман Кенгаши депутати Равшан Холмуродов, тарғибот гуруҳи аъзолари Шавкат Оллаберганов, Акрам Қурбонбоев ҳамда "Тараққиёт кўзгуси” газетаси махсус мухбири Робия Йўлдошевалар сўзга чиқишиб, "Ўзбекистон Республикаси Президенти сайлови тўғрисида”ги Ўзбекистон Республикаси Қонуни ҳамда Марказий сайлов комиссияси томонидан қабул қилинган меъёрий ҳужжатлар, сайловни ўтказиш ва ушбу муҳим сиёсий тадбирда иштирок этиш қонун-қоидалари ҳақида ёшларга батафсил тушунчалар бердилар. Ўз навбатида ёш сайловчилар ўзларини қизиқтирган саволлар билан мурожаат қилдилар. Тарғибот гуруҳи аъзолари ёш сайловчиларни қизиқтирган барча саволларга батафсил жавоб бердилар.
Р.ЙЎЛДОШЕВА.
(Фото - http://www.uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
