“ONA VATAN ISTIQBOLI UChUN OVOZ BERAMIZ”
Bugungi kunda mamlakatimizda Oʻzbekiston Respublikasi Prezidenti sayloviga tayyorgarlik ishlari oʻzaro jipslik va uyushqoqlik asosida davom etmoqda. Yurtdoshlarimiz hayotida muhim oʻrin tutadigan ushbu siyosiy tadbir oldidan joylarda saylovoldi targʻibot va tashviqot ishlari olib borilmoqda.
Tuman hokimligi tomonidan tuzilgan ana shunday targʻibot guruhi aʼzolari Bobur nomli ovuldagi Melioratsiya va suv xoʻjaligi kasb-hunar kolleji oʻquvchi-yoshlari bilan muloqotda boʻldilar. "Biz yoshlar ona Vatan istiqboli uchun ovoz beramiz!” mavzusida oʻtkazilgan mazkur saylovoldi tadbirida kollej oʻquvchilari 4-dekabr – Oʻzbekiston Respublikasi Prezidenti sayloviga alohida eʼtibor bilan tayyorgarlik koʻrishayotganlarini namoyon etishdi.
Ular mamlakatimizda oʻquvchi-yoshlar uchun yaratilgan jahon andozalariga mos shart-sharoitlar tufayli oʻzlari oʻqishda va hayotda erishayotgan yutuqlari haqida toʻlqinlanib gapirdilar. Ushbu siyosiy tadbirda birinchi marta ovoz berishga tayyorlanayotgan kollejning 3-bosqich talabalari Oʻzbekiston yoshlarini har tomonlama qoʻllab-quvvatlab, el-yurt farovonligi va tinchligini taʼminlashga xizmat qiluvchi nomzod uchun ovoz berajaklarini bildirdilar.
Tadbirda saylovoldi targʻibot guruhi rahbari – "Kamolot” yoshlar ijtimoiy harakati tuman Kengashi raisi Mansur Oʻrozboyev, tuman xalq taʼlimi muassasalari faoliyatini metodik taʼminlash va tashkil etish boʻlimi huzuridagi davlat taʼlim standartlariga rioya etish monitoringini uslubiy taʼminlash kichik guruhi rahbari, xalq deputatlari tuman Kengashi deputati Ravshan Xolmurodov, targʻibot guruhi aʼzolari Shavkat Ollaberganov, Akram Qurbonboyev hamda "Taraqqiyot koʻzgusi” gazetasi maxsus muxbiri Robiya Yoʻldoshevalar soʻzga chiqishib, "Oʻzbekiston Respublikasi Prezidenti saylovi toʻgʻrisida”gi Oʻzbekiston Respublikasi Qonuni hamda Markaziy saylov komissiyasi tomonidan qabul qilingan meʼyoriy hujjatlar, saylovni oʻtkazish va ushbu muhim siyosiy tadbirda ishtirok etish qonun-qoidalari haqida yoshlarga batafsil tushunchalar berdilar. Oʻz navbatida yosh saylovchilar oʻzlarini qiziqtirgan savollar bilan murojaat qildilar. Targʻibot guruhi aʼzolari yosh saylovchilarni qiziqtirgan barcha savollarga batafsil javob berdilar.
R.YOʻLDOShEVA.
(Foto - http://www.uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
