20.11.2026
Тил Öz Qq Ёзув Кирилл Lotin
Reklama banneri
Ҳарф ўлчами Ранг Расмлар
20.11.2026, 22:11
Жамият 👁 254

НАВОИЙ НОМЛИ МАҲАЛЛА ЁШ ҚИЗЛАРИ “БУВИЖОНЛАР МАКТАБИ” АЪЗОЛАРИ СУҲБАТИДАН БАҲРАМАНД БЎЛДИЛАР

НАВОИЙ НОМЛИ МАҲАЛЛА ЁШ ҚИЗЛАРИ “БУВИЖОНЛАР МАКТАБИ” АЪЗОЛАРИ СУҲБАТИДАН БАҲРАМАНД БЎЛДИЛАР

Кексалар – хонадонларимиз кўрки, юртимиз файзи. Уларнинг узоқ йиллик ҳаётий тажрибалари ўсиб келаётган ёш авлод учун ҳақиқий ибрат мактабидир. Шунинг учун ҳам кексалари бор хонадонларнинг файз-у таровати ўзгача, маҳаллаларда эса нуроний онахон ва отахонлар нафақат ўз фарзандлари, невара-чеваралари, балки қўни-қўшнилар, маҳалладошларининг ҳам фарзандларига алоҳида меҳр-муҳаббат билан панд-у насиҳатлар беришади, ҳаётда тўғри йўлни танлашлари учун жон куйдиришади. Шу боис, халқимиз “бир болага етти маҳалла ота ва она” тамойилини турмуш тарзининг, қолаверса, миллий-маънавий тарбиянинг бир қисмига айлантиришган.

Амударё телевидениеси ижодкорлари томонидан амалга оширилаётган “Юксак маънавиятли ва ахлоқли ёшлар – келажак пойдевори” номли давлат гранти лойиҳаси доирасидаги тадбирлар ҳам ёшлар маънавиятини юксалтириш, улар онгида Ватанга муҳаббат, миллий ва умуминсоний қадриятларга садоқат руҳини шакллантиришга қаратилгани билан муҳим аҳамият касб этмоқда.

Жорий йилнинг 16 октябрь санасида Манғит шаҳрининг Навоий номли маҳалласида бўлиб ўтган “Оналар ўгити” тадбири ҳам ўзининг мазмун-моҳиятига кўра, маҳаллаларда ва таълим муассасаларида ёш қизларни турмушга тайёрлаш, айрим низоли оилалар ўртасидаги келишмовчиликларни бартараф этишга қаратилгани билан тадбир иштирокчиларига манзур бўлди.

Амударё телевидениеси, Навоий номли МФЙ масъуллари ва 30-сонли умумтаълим мактаби маъмурияти ҳамкорлигида ўтказилган мазкур тадбирда МФЙ фаоллари “Бувижонлар мактаби” аъзолари, нуроний онахонлар ва маҳалланинг ўсмир ёшидаги ўқувчи-қизлари иштирок этишди.

“Оналар ўгити” тадбирини журналист Робия Йўлдошева очди ва Амударё телевидениесининг “Юксак маънавиятли ва ахлоқли ёшлар – келажак пойдевори” грант-лойиҳаси доирасидаги тадбирларнинг мақсади ҳамда ундан кутилаётган натижалар хусусида батафсил тўхталиб, бугунги шиддат билан ривожланаётган даврда ёшлар тарбияси, айниқса, миллий-маънавий тарбия энг муҳим, долзарб масала эканлигини таъкидлади. Бу борада ҳар лаҳзада огоҳ яшаш, тарбиявий ишларни қатъий интизом асосида юритиш ҳар бир онгли инсоннинг зиммасига юксак масъулият юклашини, нуроний онахонларимизнинг ўгит ва насиҳатларини ҳар бир ёш ўзига ҳаётий шиор сифатида қабул қилиши зарурлигини қайд этди.

Шундан сўнг, Навоий номли маҳалла хотин-қизлар фаоли Гулбаҳор Хидирова ўз фаолияти давомида маҳалланинг кўпни кўрган, нуроний онахонлари билан ҳамкорликда амалга ошираётган ишлари хусусида сўз юритиб, маҳаллада ёш қизларни катта ҳаётга, турмушга тайёрлашда, энг аввало уларни касб-корли, одобли ва ҳаёли қилиб вояга етказаётган ибратли оилалар бекаларига миннатдорчилик билдирди.

– Маҳалламиз Манғит шаҳрининг ўзаги, – деди нуроний онахонлардан Ўғилжон опа Норматова. – Чунки Манғит шаҳрининг барча маҳаллалари бизнинг Навоий номли маҳалладан бир илдиз сифатида ривожланган. Шунинг учун ҳам биз маҳалламизнинг янада обод ва кўркам, бошқа маҳаллаларга намуна бўлиши учун барча ишларда ҳамжиҳатликка интиламиз.

Дарвоқе, айни пайтда маҳаллада 751та хонадон таркибидаги оилаларда 4500 нафар аҳоли истиқомат қилишади. Ҳудуд аҳолисининг фарзандлари таълим-тарбия олаётган 1-сонли ва 30-сонли умумтаълим мактабига маҳалладошлар алоҳида эътибор қаратишади. Айниқса, ёш қизларни турмушга тайёрлаш, эрта ва қариндошлар никоҳининг олдини олишга қаратилган чора-тадбирлар, таълим муассасалари билан ҳамкорликдаги “Қиз бола – оиланинг кўрки”, “Яхши, оқила қиз – маҳалла фахри” мавзуларидаги давра суҳбатлари, нуроний онахонлар иштирокидаги учрашувларга балоғатга етган ва ўсмир қизлар, ёш келинлар кенгроқ қамраб олинаётгани, ўтказилаётган маънавий-маърифий суҳбатларнинг таъсир доираси ортиб бораётганидан маҳалладошлар мамнун.

“Оналар ўгити” тадбири давомида 30-сонли мактаб директорининг маънавий-маърифий ишлар бўйича ўринбосари Дилноза Файзуллаева, нуроний онахонлардан Боғдагул опа Аҳмедова, Ўғилжон опа Норматова, Тозагул момо Отажонова, 1-сонли мактаб ўқитувчиси Гулчеҳра Қурбонбоева, МФЙ хотин-қизлар фаоли Гулбаҳор Хидировалар қизларни турмушга тайёрлаш, уларни касб-корли қилиш, маҳаллада ажрашиш ёқасига бориб қолган оилаларни яраштириш ва уларни соғлом ҳаётга қайтариш юзасидан қимматли фикр-мулоҳазаларини билдирдилар.

Тадбир давомида ёш қизлар ўзларининг ота-оналари, маҳалланинг нуроний онахонлари берган панд-насиҳатлар, уларнинг ўгитлари ўзлари учун ёрқин ҳаёт саҳифаларини очишда катта аҳамият касб этишини, инсон ҳаётга бир марта келиши ва ана шу буюк неъматни Аллоҳнинг улуғ инъоми сифатида қабул қилиб, чиройли тарзда яшаш зарурлигини мамнуният билан таъкидладилар.

“Оналар ўгити” тадбири иштирокчилари бўлган қизлар кўпни кўрган нуроний онахонлар, “Бувижонлар мактаби” аъзолари билан дилдан, самимий мулоқот муҳитини яратгани учун Амударё телевидениеси ижодкорларига самимий миннатдорчилик билдирдилар.

Робия ЙЎЛДОШЕВА

🎬 Видеогалерея Барчаси →
БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ ▶ БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ 16.11.2026 «Илғор фермерлар клуби» аъзолари учун дала семинарлари ўтказилди ▶ «Илғор фермерлар клуби» аъзолари учун дала семинарлари ўтказилди 16.11.2026 Болажонларга йўл ҳаракати қоидалари ҳақида маълумотлар берилди ▶ Болажонларга йўл ҳаракати қоидалари ҳақида маълумотлар берилди 13.11.2026 Сайёр қабулда 12 та мурожаатдан 10 таси ижобий ҳал этилди ▶ Сайёр қабулда 12 та мурожаатдан 10 таси ижобий ҳал этилди 13.11.2026 Амударё туманида СЕО ва ЖС бўлимининг янги биноси фойдаланишга топширилди ▶ Амударё туманида СЕО ва ЖС бўлимининг янги биноси фойдаланишга топширилди 12.11.2026 Амударёлик нуронийлар мини футбол бўйича ўртоқлик учрашувида ғолиб чиқди ▶ Амударёлик нуронийлар мини футбол бўйича ўртоқлик учрашувида ғолиб чиқди 12.11.2026 49-сонли боғчада экологик тарбиянинг амалий методикалари намойиш этилди ▶ 49-сонли боғчада экологик тарбиянинг амалий методикалари намойиш этилди 12.11.2026 Ўрта қалъа овулида хотин-қизлар билан профилактик учрашув ўтказилди ▶ Ўрта қалъа овулида хотин-қизлар билан профилактик учрашув ўтказилди 12.11.2026 65-сонли мактабнинг янги биноси фойдаланишга топширилди ▶ 65-сонли мактабнинг янги биноси фойдаланишга топширилди 11.11.2026 Амударё туманида кузги шудгорлаш ишларини сифатли ташкил этишга алоҳида эътибор қаратилмоқда ▶ Амударё туманида кузги шудгорлаш ишларини сифатли ташкил этишга алоҳида эътибор қаратилмоқда 10.11.2026 45-сонли боғчада «Жажжи экологлар» амалий семинари бўлиб ўтди ▶ 45-сонли боғчада «Жажжи экологлар» амалий семинари бўлиб ўтди 10.11.2026 Аҳоли саломатлиги — олий қадрият ▶ Аҳоли саломатлиги — олий қадрият 09.11.2026 Амударё туманида куз-қиш мавсумига тайёргарлик ишлари ўрганилди ▶ Амударё туманида куз-қиш мавсумига тайёргарлик ишлари ўрганилди 09.11.2026 Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди ▶ Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди 09.11.2026 Қўриқлаш хизмати — аҳоли осойишталиги ва мулк дахлсизлигининг кафолатидир ▶ Қўриқлаш хизмати — аҳоли осойишталиги ва мулк дахлсизлигининг кафолатидир 06.11.2026 АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА ▶ АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА 06.11.2026 Боғча тарбияланувчилари учун экологик тарбия методикалари намойиш этилди ▶ Боғча тарбияланувчилари учун экологик тарбия методикалари намойиш этилди 05.11.2026 Амударё туманида ички ишлар органлари ходимларининг касб байрами кенг нишонланди ▶ Амударё туманида ички ишлар органлари ходимларининг касб байрами кенг нишонланди 05.11.2026 Меҳнат ярмаркасида 29 нафар фуқаро доимий ишга жойлаштирилди ▶ Меҳнат ярмаркасида 29 нафар фуқаро доимий ишга жойлаштирилди 05.11.2026 Олис овуллардаги мактабларда «Китобхон ёшлар» клублари ташкил этилади ▶ Олис овуллардаги мактабларда «Китобхон ёшлар» клублари ташкил этилади 04.11.2026 Йўлларнинг қиш мавсумига тайёрлиги жойида ўрганилди ▶ Йўлларнинг қиш мавсумига тайёрлиги жойида ўрганилди 04.11.2026 Амударё туманида ҳарбий прокуратура сайёр қабули ва меҳнат ярмаркаси ўтказилди ▶ Амударё туманида ҳарбий прокуратура сайёр қабули ва меҳнат ярмаркаси ўтказилди 04.11.2026 Амударё туманида кузги мавсумда 829 минг кўчат экилади ▶ Амударё туманида кузги мавсумда 829 минг кўчат экилади 03.11.2026 Амударё туманида маънавий-маърифий ишлар самарадорлиги, мавжуд муаммолар муҳокама қилинди ▶ Амударё туманида маънавий-маърифий ишлар самарадорлиги, мавжуд муаммолар муҳокама қилинди 02.11.2026 ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ ▶ ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ 02.11.2026 Қонунчиликдаги аёллар ва болалар ҳуқуқлари ҳимоясига оид нормалар тушунтирилди ▶ Қонунчиликдаги аёллар ва болалар ҳуқуқлари ҳимоясига оид нормалар тушунтирилди 31.10.2026 Аҳолига сифатли ичимлик суви етказиб бериш борасидаги камчиликлар бартараф этилмоқда ▶ Аҳолига сифатли ичимлик суви етказиб бериш борасидаги камчиликлар бартараф этилмоқда 31.10.2026 Жажжи экологлар табиатни асраш бўйича дастлабки тушунчаларга эга бўлишди ▶ Жажжи экологлар табиатни асраш бўйича дастлабки тушунчаларга эга бўлишди 31.10.2026 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди ▶ 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди 30.10.2026 1-сонли мактабда Ўзбек тили байрами нишонланди ▶ 1-сонли мактабда Ўзбек тили байрами нишонланди 26.10.2026