АМУДАРЁ ТУМАН ҲОКИМИ СОБИР ХЎЖАМEТОВ МАҲАЛЛА ФАОЛЛАРИ БИЛАН УЧРАШДИ
20 сентябрь куни Амударё туман ҳокими Собир Хўжаметов ва Қорақалпоғистон Республикаси Жўқорғи Кенгесм қўмита раиси Шарапат Отемисовлар туманнинг Қиличбой, Аёқчи овул ва маҳалларида бўлиб, маҳалла фаоллари, кўчабошчилари ҳамда нуроний оқсоқоллари билан учрашди.
Учрашувда туман ҳокими Собир Хўжаметов сўзга чиқиб, бугунги кунда олис ҳудудларни ободонлаштириш ишлари республика бўйича кенг миқёсда давом этаётганини таъкидлади. Президентимизнинг Қорақалпоғистонга қаратаётган эътибори натижасида олис ва чекка ҳудудлар аҳолиси учун ҳам муносиб турмуш шароити яратилмоқда. Қиличбой овули ва унинг таркибидаги маҳаллаларда ҳам ижтимоий инфратузилмани яхшилаш, хусусан, аҳолини ичимлик суви билан таъминлаш, йўлларга тош-шағал аралашмасини ётқизиш, электр энергияси таъминотидаги муаммоларни бартараф қилиш борасида тизимли ишлар қилинмоқда.
Шундан сўнг учрашув қатнашчилари туман ҳокимига ўз муаммо ва таклифлари билан мурожаат қилди. Учрашувда кўчабошчилар, нуронийлар томонидан турли мазмундаги мурожаатлар келиб тушди. Жойида ҳал қилиш имкони бўлган мурожаатлар, таклиф ва ташаббуслар юзасидан маҳалла аҳлининг талаблари қаноатлантирилди. Атрофлича ўрганишни тақозо этадиган долзарб масалаларни ҳал этиш юзасидан тегишли муасса-ташкилот идораларига муддатлар белгиланиб, топшириқлар берилди. Мурожаат ва саволлар баробарида учрашувда иштирок этган нуронийлар туман ҳокимига ўз таклифларини ҳам беришди.
Айниқса, халқнинг кайфиятига тўғридан-тўғри таъсир қиладиган йўл, электр энергияси ҳамда ичимлик суви таъминоти бўйича бир қатор муаммолар мавжудлиги мурожаатларда алоҳида қайд этилди. Учрашувда бу муаммоларни баратараф қилиш ҳақида сўз борди ва таъкидланган муаммолар назоратга олиниб, тез орада уларни ижобий ҳал қилиш бўйича тегишли масъулларга топшириқлар берилди.
Жўқорғи Кенгеснинг қўмита раиси Шарапат Отемисов ўз сўзида туманни ҳар томонлама ривожлантириш, халқнинг турмуш фаровонлигини таъминлаш билан боғлиқ муаммоларга ечим топиш йўналишида бугунги кунда амалга оширилаётган ишлар хусусида алоҳида таъкидлаб ўтди. Амударё тумани, айниқса Қиличбой овули ва унинг таркибидаги чекка ҳудудлардаги маҳаллалардаги муаммолар шахсан Қорақалпоғистон Республикаси Жўқорғи Кенгеси Раисининг назоратида экани, уларни тез фурсатларда бартараф этиш бўйича топшириқлар берилгани ва топшириқлар ижроси мунтазам назорат қилиб борилиши алоҳида қайд этилди.
Аҳоли билан учрашув туманнинг Аёқчи маҳалласида ҳам давом этди. Учрашувда қайд қилинганидек, кейинги йилларда давлатимиз раҳбари томонидан қабул қилинган мамлакатимизнинг ижтимоий-иқтисодий ривожланишининг барча йўналишларини белгилайдиган Фармон ва Қарорлар, уларнинг фаол ижроси халқимизнинг турмуш тарзини бутунлай ўзгартириб юборди. Авваломбор, инсон ва унинг манфаатларини кўзлаб олиб борилаётган ислоҳотларнинг натижаси юртимиздаги ҳар бир фуқаронинг бахтли ва фаровон турмуши, ўзига ва юрт келажагига бўлган мустаҳкам ишончида кўринмоқда.
Учрашув давомида маҳаллалардаги амалга оширилаётган ободонлаштириш ишлари, ёрдамга муҳтож, эҳтиёжманд оилаларга янги уйлар қурилаётгани, қишлоқ маҳаллалар обод қилиниб, янги қиёфа касб этаётганлиги туманимиз учун яратиб берилаётган имкониятлар самараси эканлиги таъкидлаб ўтилди.
Қорақалпоғистон Республикаси Жўқорғи Кенгесининг қўмита раиси Шарапат Отемисов бугунги кунда амалга оширилаётган ишлар билан бир қаторда, ҳозирги вақтгача ўз жавобини кутаётган муаммолар ҳамда уларни ҳал қилиш бўйича амалга оширилаётган ишлар ҳақида маълумот берди.
Шунинг билан бирга овул маҳаллаларда аҳолининг турмуш шароитини янада яхшилаш, ҳудудни ижтимоий-иқтисодий тарафдан ривожлантиришга қаратилган тадбирларнинг амалга оширилиши ҳамда мавжуд муаммоларнинг натижали ва тез фурсатда ўз ечимини топишини молиявий тарафдан таъминлаш мақсадида республикамиздаги мавжуд 452 маҳалланинг ҳар бирига 500 млн. сўмдан маблағ ажратилгани қайд қилинди. Бу ажратилаётган маблағлар маҳалла фаоллари билан кўчабошчиларнинг назоратида маҳалла ҳудудида яшовчи фуқароларнинг мурожаат ва таклифлари асосида сарфланиши айтиб ўтилди.
Йиғилиш якунида таклиф, мурожаатлар бўйича масъулларга тегишли топшириқлар берилди.
Туман ҳокимлиги Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
