ЗУЛФИЯ ҚИЗЛАРИ ИЖОДИДАН...

Юлдузга

Юзи ой, кўзи чарос,

Сочи сунбул, камон қош.

Ширин сўз, гулга қиёс,

Меҳрда мисли қуёш –

Гўзалликка бой Юлдуз,

Кўнглимга чирой Юлдуз.

Онасига дастёр қиз,

Ҳунарлари бисёр қиз.

Барчага бирдай ёқар,

Ҳар ишга шай, тайёр қиз.

Пазанда, чевар Юлдуз,

Хулқи аъло, лобар қиз!

Кумуш ЖУМАМУРОДОВА,

Амударё академик лицейи ўқувчиси.

Устозларимга

Илм-у фан хазинаси устозим,

Бизга берган илмингизга тасанно!

То тирикмиз сизга қиламиз таъзим.

Ахир элни Сиз қилдингиз тарбия.

Иродангиз кўриб тоғлар бош эгар,

Сўзингиздан тўкилиб туради маъно.

Ҳаётда кўп нарса йўқолар, тугар,

Қалбларда мангудир Сиз берган зиё.

Болалик дафтари меҳрингиз ичган,

Орзулар гулида қўлингиз тафти.

Қаранг, бағрингиздан ҳар томон учган,

Барча шогирдларнинг кулгандир бахти

Осиё СОБИРОВА, Амударё академик лицейи ўқувчиси

Сиз биз учун

азизсиз ҳамон

Билим даргоҳига қўйибман қадам.

Гўзал чеҳрангизда майин табассум,

Илм даргоҳига элтувчи инсон –

Устозим, биз учун азизсиз ҳамон.

Қўлимга илк бор қалам тутқазиб,

Ватан номин дилдан англатиб.

Доим эзгуликка чорловчи инсон –

Устозим, биз учун азизсиз ҳамон.

Гоҳида сизларни ранжитар бўлсак,

Тоза дилингизга етказсак озор,

Кечириб суювчи мўътабар инсон –

Устозим, биз учун азизсиз ҳамон.

Моҳинур Тўрабоева, Амударё академик лицейи ўқувчиси.

Фаришта онам

Менинг онам ягона,

Фариштага ўхшайди.

Меҳри уммон – бир дунё

Ой, қуёшга ўхшайди.

Тонгдан аввал уйғонар,

Турақолгин, қизим, деб.

Ажиб дастурхон ёзар,

Эркалар юлдузим, деб.

Уйғонаман шод - хуррам,

Онамнинг ардоғида

Ҳар куним мисли байрам

Оиламиз боғида.

Келажакда албатта,

Онамдайин бўламан.

Оиламга пайваста

Қуёш каби тўламан.

Шаҳло ЙЎЛДОШЕВА, Амударё академик лицейи ўқувчиси.

Илм изланг!

Инсон келар дунёга бир бор,

Унинг умри бўлсин бир чинор.

Кўнглимизга етмасин озор,

Илм олинг, азиз тенгдошлар!

Менга нима, ўқиса деманг,

Хатоликка асло йўл қўйманг.

Ва интилинг, орқага қайтманг,

Илм олинг азиз тенгдошлар!

Келажаги буюк давлатмиз,

Ўзига бек ўзбек миллатмиз.

Боболарим туйган ниятмиз,

Илм олинг, азиз тенгдошлар!

Элимда бор турли даргоҳлар,

Илм бергувчи олийгоҳлар.

Ўзбек номин ёшлар оқлар,

Илм олинг, азиз тенгдошлар!

Илм-у ҳунар бизга ярашар,

Кам бўлмаймиз асло ҳеч кимдан.

Юртбошимиз олдинга бошлар,

Қўллар бизни мустақил Ватан!

Дилнавоз ШОМУРОДОВА, Амударё академик лицейи ўқувчиси