ЁНҒИН ХАВФСИЗЛИГИ ҚОИДАЛАРИГА ЭЪТИБОРСИЗ БЎЛМАНГ!
Ёнғин хавфсизлиги қоидалари талабларига амал қилинса, салбий оқибатлар, кутилмаган офатларнинг олди олинади. Афсуски, айрим фуқароларнинг бу қоидаларга эътиборсизлиги ёнғин келиб чиқишига сабаб бўлади.
Жорий йилнинг 6 ойи мобайнида туманимизда 28та ёнғин ҳодисаси содир бўлиб, 165 млн. 197 минг сўм моддий зарар кўрилган. Ёнғинларнинг асосий қисми аҳоли турар жой бинолари ва молхоналарида қайд қилинди. Шулардан 1таси очиқ дала майдонида, оловга эҳтиётсизлик туфайли, 1таси пахта қабул қилиш пунктида техника хавфсизлик қоидаларининг бузилиши, яна 1та ҳодиса чорва моллари бозорида техника хавфсизлиги қоидаларининг бузилиши, 11та ёнғин эса аҳоли яшаш уйларида, 14та ёнғин молхоналарда содир бўлган.
Бундай катта-кичик ёнғинлар фуқароларга анчагина моддий ва маънавий зарар келтирмоқда. Ёнғин келиб чиқиш сабабларини таҳлил қилиб кўрганимизда, булардан асосийси, уйда маиший электр асбобларидан ва электр тармоқларидан тўғри фойдаланмаслик, ёш болаларнинг қаровсиз қолиб, гугурт ўйнашлари ва иситиш мўриконларининг носозлиги оқибатида келиб чиққан.
Бундай нохуш ҳодисаларнинг олдини олиш учун, аввало, ҳар биримиз ёнғиннинг олдини олишга доир талаб, қоидаларга амал қилишимиз, газ ва электр ускуналаридан тўғри фойдаланишимиз, болаларни уйда қаровсиз қолдирмаслигимиз, турар жойлар, корхона, муассаса биноларидаги сув қозонлари ўчоқ печларнинг яроқлилигини, мўрилар ва газ плитанинг жўмраклари созлигини текшириб, кўрикдан ўтказиб қўйишимиз лозим бўлади.
Ҳ.Ҳайитбоев, туман ФВБ инспектори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
