ФУҚАРО ТУҒИЛГАНЛИК ҲАҚИДАГИ ГУВОҲНОМАГА ЭГА БЎЛИШ УЧУН 17 ЙИЛ КУТДИ ВА...
Ниҳоят Амударё тумани Адлия бўлими аралашуви билан 17 ёшга тўлган қизга туғилганлик ҳақида гувоҳнома расмийлаштирилди.
Қорақалпоғистон Республикаси Aдлия вазирлиги Aмударё тумани адлия бўлимига фуқаро З. шикоят билан мурожаат қилиб, унда Ж. исмли қиз фарзандига туғилиш ҳақидаги гувоҳномаси олишда бир неча йиллардан буён қийналиб келаётганлигини билдириб, ушбу масалада амалий ёрдам беришни сўраган эди.
Aниқланишича, фуқаро З. 2006 йилда қиз фарзандли бўлган. Лекин фарзанди 2006 йил уй шароитида туғилганлиги сабабли фарзандига туғилиш гувоҳномаси олаолмаган, З. 2019 йилда туман ФҲДЁ бўлимига мурожаат этган, бироқ ФҲДЁ бўлими масъуллари фарзандининг туғилишини тасдиқловчи маълумотлар бўлмаганлиги сабабли аризани рад қилган.
Aмударё тумани Aдлия бўлими томонидан Ўзбекистон Республикаси Фуқаролик процессуал Кодексининг 295–моддасига асосан Фуқаролик ишлари бўйича Aмударё тумани судига ушбу онадан туғилганлик фактини аниқлаш ҳақида даъво аризаси киритилди.
Яқинда Фуқаролик ишлари бўйича Aмударё тумани судининг ҳал қилув қарори билан фуқаро З.нинг қиз фарзанди шу онадан туғилганлик фактини аниқлаш ҳақидаги аризаси қаноатлантирилди.
Фуқаролик ишлари бўйича Aмударё тумани судининг ҳал қилув қарори қонуний кучга киргач, Aмударё тумани ФҲДЁ бўлими томонидан З.нинг қиз фарзандига туғилганлик тўғрисидаги гувоҳномаси расмийлаштирилиб берилди ва тантанали равишда топширилди.
Бунга қадар ушбу қувончли кунни Ж.нинг ота-онаси ҳам, унинг ўзи ҳам интизорлик билан кутди. Агар ота-она ўз фуқаролик ҳақ-ҳуқуқларини билганларида эди, орадаги вақт 17 йилга чўзилмасди. Ўз вақтида, яъни фарзанди туғилган 2006 йилдаёқ бу муаммо ўз ечимини топарди. Ҳуқуқий саводсизлик туфайли Ж. туғилганлиги ҳақида ФҲДЁ бўлимида қайд этилмаган, натижада қизалоқ 17 йил туғилганлик ҳақидаги гувоҳномасиз яшаган. Бу каби ҳолатлар юз бермаслиги учун ҳар бир фуқаро фуқаролик ҳақ-ҳуқуқларини яхши билиши шарт ва бу ҳаётий заруриятдир.
Н.ЖУМАНИЯЗОВА, Aмударё тумани адлия бўлими Инсон ҳуқуқларини ҳимоя қилиш ва ҳуқуқни қўллаш амалиётини ўрганиш бўлинмаси бош маслаҳатчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
