“Маҳалла” хайрия жамоат фонди Амударё туман бўлинмасининг “Обод маҳаллам” номли грант лойиҳаси доирасида Қангли овулида тадбир ўтказилди

Қорақалпоғистон Республикаси Жўқорғи Кенгеси ҳузуридаги ННТлар ва фуқаролик жамиятининг бошқа институтларини қўллаб-қувватлаш жамоат фонди томонидан “Маҳаллаларда ободликни таъминлаш, аҳоли ўртасида соғлом турмуш тарзини тарғиб қилиш, аҳолининг тиббий ва экологик маданиятини ошириш” мавзусида эълон қилинган 5-грант танловида Ўзбекистон “Маҳалла” хайрия жамоат фонди Қорақалпоғистон Республикаси Амударё туман бўлинмаси “Обод маҳаллам” номли лойиҳаси билан иштирок этиб, 40,0 млн. сўм грант маблағини ютиб олди.

Ўзбекистон “Маҳалла” хайрия жамоат фонди Амударё туман бўлинмасининг ушбу лойиҳани амалга оширишдаги асосий мақсади – атроф муҳитни муҳофаза қилиш ва табиий ресурслардан оқилона фойдаланиш соҳасидаги қонун ҳужжатлари талаблари бузилишининг олдини олиш, уни аниқлаш ва унга чек қўйишга, табиатни муҳофаза қилиш фаолияти самарадорлигини оширишга ҳисса қўшиш мақсадида қонун ҳужжатларига мувофиқ фуқароларнинг ўзини ўзи бошқариш органлари, нодавлат нотижорат ташкилотлари ва фуқаролар билан ҳамкорликда жамоатчилик экологик назоратини амалга ошириш, аҳолининг экологияга оид билимларини кенгайтириш мақсадида учрашувлар, давра суҳбатлари, танловлар ташкил қилиш, ҳудудларни ободонлаштириш ва кўкаламзорлаштириш, атроф-муҳит муҳофазасига ҳисса қўшишдан иборат.

Ўзбекистон “Маҳалла” хайрия жамоат фонди Амударё туман бўлинмасининг “Обод маҳаллам” номли грант лойиҳаси иш режаси 2022 йилнинг декабр ойидан 2023 йилнинг декабр ойигача 12 ойга мўлжалланган. Жорий йил март ойи учун белгиланаган иш режасига мувофиқ Қангли фуқаролар йиғинида туманнинг Қипчоқ ҳудудидаги овул ва маҳалла фуқаролар йиғинлари иштирокида фуқароларнинг ўзини ўзи бошқариш органлари томонидан атроф муҳитни муҳофаза қилиш, ҳудуднинг санитария ҳолати, уни ободонлаштириш ҳамда кўкаламзорлаштириш масалалари юзасидан ўз ваколати доирасида тегишли ҳудудда жойлашган корхоналар, муассасалар ва ташкилотлар раҳбарларининг ҳисоботларини эшитишга бағишланган намунавий йиғилиши ўтказилди. Йиғилишда Қиличбой ҳудудидаги овул ва маҳалла фуқаролар йиғинлари раислари ва Қангли овули маҳаллакомлари ҳамда фаолларидан жами 47 нафари қатнашди.

Йиғилишда маҳалла раиси, ҳоким ёрдамчиси, ёшлар етакчиси, Қангли ҚВП мудири ва 29-67-сонли умумтаълим мактаби директорларининг 2023 йилнинг I чораги давомида атроф муҳитни муҳофаза қилиш, ҳудуднинг санитария ҳолати, уни ободонлаштириш ҳамда кўкаламзорлаштириш масалалари юзасидан амалга оширган ишлари бўйича ҳисоботлари тингланди.

Шунингдек, атроф муҳитни муҳофаза қилиш ва табиий ресурслардан оқилона фойдаланиш соҳасидаги қонун ҳужжатлари талабларини аҳолининг кенг қатламига тушунтириш мақсадида “Маҳалла” хайрия жамоат фонди Амударё туман бўлинмаси мутахассиси Х.Султанов, Амударё тумани Маҳалла ва нуронийларни қўллаб-қувватлаш бўлими етакчи мутахассиси Б.Турабаевлар қатнашиб, мавзу бўйича маъруза қилдилар ҳамда масалага оид тарқатма материаллар тарқатилди.