Туман ҳокимлигининг Ахборот хизмати томонидан пресс-тур ташкил этилди
Туман ҳокимлигининг Ахборот хизмати томонидан тумандаги мактабгача таълим ташкилотларида ёш авлод тарбияси борасидаги ишларни ўрганиш мақсадида пресс-тур ташкил этилди. Унда туман ҳокимлигининг Ахборот хизмати раҳбари Фотима Эшимбетова, Амударё телевидениеси мухбири Азиза Мадраҳимова, фото муҳбир Маҳмуджон Шамуродов, туман Санитария-эпидемиологик осойишталик ва жамоат саломатлиги бўлими ходимлари иштирок этишди.
Пресс-тур доирасида 43-сонли давлат мактабгача таълим ташкилотига саёҳат уюштирилди. Таълим ташкилоти мудираси Манзура Жуманиёзова ташкилот ҳақида батафсил маълумотлар бериб ўтди. Бугунги кунда 194 нафар тарбияланувчи қамраб олинган ушбу ташкилот 1992 йилда ўз иш фаолиятини бошлаган бўлиб вақтлар ўтиши билан таъмирталаб аҳволга келиб қолган эди. 2015 йилда муассасада жорий таъмирлаш ишлари олиб борилди. Ҳамда бу орқали муассасанинг моддий техник базаси анча яхшиланди.
2008 йилдан буён мудира сифатида ишлаб келаётган Манзура Жуманиёзова болалар билан ишлаш унга алоҳида завқ бағишлашини, болаларсиз ҳаётини тасаввур қила олмаслигини фахр билан тилга олди.
Меҳмонлар муассасадаги аҳволни тўлиқ ўрганишди. Болаларнинг тажрибали педагоглардан таълим олаётганига, улар учун ташкил этилаётган ўқув машқлари ёшига ва дунёқарашига тўла мос келишига гувоҳ бўлишди. Шунингдек, тарбияланувчиларнинг шахсий гигиена воситалари билан тўлиқ таъминлангани ва уларнинг озодалик қоидаларига риоя қилинган ҳолда сақланиши текширилди. Ундан ташқари болаларнинг ётоқ жойлари, тартиби ва озодалиги кўздан кечирилди.
Журналистлар, тарбияланувчиларнинг соғлиги, тиббий ҳолати доимо назорат остида бўлиши кераклиги, уларга берилаётган озиқ-овқат маҳсулотлари лаборатория текширувларидан ўтказилгандан кейингина ишлатилиши лозимлиги таъкидланди. Пресс-тур давомида ошхона жиҳозларининг озодалаги, кундалик ишлатилувчи буюмларинг яроқлилик ҳолатлари ўрганилди. Шунингдек, қатнашчилар болалар учун ҳар куни тушлик пайтида тайёрланувчи таомлар рўйҳати билан қизиқишди. Болалар учун тайёрланаётган таомлар витамин ва оқсилларга бой эканлигига, сифатли ва тоза озиқ-овқат маҳсулотлари ишлатилаётганлигига гувоҳ бўлишди.
Пресс-тур доирасида мактабгача таълим ташкилоти мудираси Манзура Жуманиёзова журналистлар томонидан берилган барча саволларга жавоб берди.
Шу ўринда айтиш керакки, фарзандларимизнинг ўсиб-униб камолга етишида оила, боқча, мактаб жипслигини таъминлаш муҳим аҳамият касб этади. Мактаб остонасига қадам қўйиш учун энди тайёргарлик кўраётган болаларга қанчалик чуқур билим ва яхши тарбия берилса у мактабда ҳам давом этади, ривожланади.
Туман ҳокимлигининг Ахборот хизмати томонидан ташкил этилаётган бу каби тадбирлар журналистлар ва ота-оналарни қизиқтирган кўплаб саволларига жавоб олишида муҳим аҳамият касб этади.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
