Амударё туманида рўзадорлар учун ифторликлар ташкил этилмоқда
Юртимизга ойларнинг султони муборак Рамазон ойи кириб келди. Албатта, бу ойни барча ватандошларимиз ҳурсандчилик ва ўзгача тайёргарлик билан қарши олишди. Чунки, Рамазон ойида мўмин-мусулмонларнинг ризқига барака, амалларига улкан ажру савоблар ато этилади. Зеро, Аллоҳ таоло Рамазон ойида мўминларга кундуз кунлари рўза тутмоқликни фарз, тунлари таровиҳ намозини ўқимоқликни нафл қилиб берган. Рўзадорларга ифторлик қилиб бериш, муҳтожларга хайру садақалар улашиш ушбу ойга хос бўлган амаллардан саналади.
Муҳтарам Президентимиз ташаббуси билан Республикамизнинг барча ҳудудларида рўзадорлар учун ифторликлар ташкил қилинмоқда. Жумладан, Амударё туманининг Тўлқин овул фуқаролар йиғинидаги маҳалла гузарида ҳам 23 март куни рўзадорлар учун ифторлик ташкил этилди. Унда туман ҳокими Султонбой Йўлдашев ҳам иштирок этди.
Туман бош имом-хатиби Абдураҳмон Матсапаев Қуръон тиловат қилди ҳамда Рамазон ойи фазилатлари, ушбу ойда бажарилиши фарз қилинган амаллар хусусида маъруза қилиб, юртимизга тинчлик-омонлик, оилаларга файз-у, барака тилаб дуолар қилди.
Дарҳақиқат, муборак Рамазон ойи одамлар учун ҳидоят ва тўғри йўл ҳамда ҳақ билан ботилни ажратувчи очиқ оятлардан иборат Қуръон нозил қилинган ойдир. Рамазон ойи ҳар доим ойларнинг султони, саййиди, энг яхшиси бўлиб келган ва ҳамиша шундай бўлиб қолаверади.
Рамазон ойи рўза, таровиҳ ва тиловат ойи бўлиб, унинг рўзасини тутиш фарз, таровиҳ намозини ўқиш суннат, Қуръони каримни хатм қилиш эса фазилатдир.
Рамазон шундай қадрли ва ғанимат ойдирки, унда тутилган рўзанинг савобини бевосита Аллоҳ таолонинг Ўзи беради. Рамазон ойи ўзаро бирдамлик, меҳрибонлик кўрсатиладиган, инсонлар бир-бирлари ҳақида қайғуриб, хато-камчиликларини кечирадиган ойдир.
Рўзадорларга ифторлик қилиб бериш эса ҳадиси шарифда савоби улуғ амаллардан бири эканлиги келтириб ўтилган.
24 март куни Қиличбой овул фуқаролар йиғинида ҳам рўзадорларга ифорлик ташкил қилинди. Унда туман ҳокими Султонбой Йўлдашев, ҳоким ўринбосари Нодирбек Камалов иштирок этди.
Амударё тумани “Ёқуб эшон бобо” масжиди имом-хатиби Дастонбек Бабажанов Қуръон тиловат қилди. Рамазон ойи савоблар йиғиладиган, гуноҳлар кечириладиган муборак ойлардан бири эканлигини таъкидлади. Шунингдек, бу муборак ойнинг рўзасини ихлос билан тутиб, ҳар бир дақиқасини ғанимат билиб, кўпроқ ибодат ва яхшиликлар қилиб қолиш лозимлигини айтиб ўтди. Ҳамда Рамазон ойи фазилатлари, рўзадорлар амал қилиши лозим бўлган амаллар хусусида маъруза қилди.
Ифторликда барча рўзадорлар қўлларини дуога очиб, юртимизга тинчлик-омонлик, қут-барака тиладилар. Рўзадорлар учун бу каби ифторликлар туманимизнинг барча ҳудудларида ташкил этилади.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
