ЯНГИ ФАРМОНЛАР ОДИЛ СУДЛОВГА ЭРИШИШ ВА СУДЛАР ФАОЛИЯТИ САМАРАДОРЛИГИНИ ОШИРИШГА ХИЗМАТ ҚИЛАДИ
Сўнгги йилларда амалга оширилган суд-ҳуқуқ соҳасидаги ислоҳотлар суд ҳокимияти мустақиллигини ҳамда судлар фаолиятида очиқлик ва шаффофликни таъминлаш билан бир қаторда фуқаро ва тадбиркорларнинг ҳуқуқлари, қонуний манфаатларини ҳимоя қилиш кафолатларини кучайтириш имконини берди. Зеро, бугун мамлакатимиз ҳаётининг барча соҳалари, шу жумладан, суд-ҳуқуқ тизимида изчил амалга оширилаётган барча ислоҳотлар марказида инсон омили турибди.
Бу ҳаётий ҳақиқат Президентимиз Ш.Мирзиёев Олий Мажлис ва Ўзбекистон ҳалқига йўллаган Мурожаатномасида ўз тасдиғини топган. Давлатимиз раҳбарининг «Одил судловга эришиш имкониятларини янада кенгайтириш ва судлар фаолияти самарадорлигини оширишга доир қўшимча чора-тадбирлар тўғрисида»ги ҳамда «Одил судлов фаолиятини амалга оширишни самарали ташкил этиш бўйича қўшимча чора-тадбирлар тўғрисида»ги Фармонлари одил судловга эришиш йўлидаги яна бир муҳим қадам бўлди. Президентимиз томонидан 2023 йил 16 январда имзоланган ушбу 2 та тарихий ҳужжат айнан мазкур Мурожаатномада билдирилган таклифларнинг ижросини амалда таъминлашга қаратилганлиги билан аҳамиятлидир.
Президентимиз Фармонларида судьяларнинг чинакам мустақиллигини таъминлаш мақсадида уларнинг ишига ҳар қандай аралашув қатъий жазоланиши, судьяларнинг хавотирсиз ишлаши учун давлат томонидан барча шароитлар яратилиши қайд этилган. Шунингдек, 2022-2026 йилларга мўлжалланган суд тизимини сифат жиҳатидан янги босқичга олиб чиқишнинг қисқа муддатли стратегияси ҳам иловага мувофиқ тасдиқланган.
Стратегия доирасида “Инсон қадри учун” ғояси асосида чинакам адолатли суд тизимини шакллантириш ғамда унинг фаолиятини ҳалқ манфаати ва инсон қадр-қимматини самарали ҳимоя қилишга йўналтириш, адолатли суд қарорларини қабул қилинишига эришиш, шу жумладан, тадбиркорларнинг суд тизимига бўлган ишончини мустаҳкамлаш кабилар одил судловни таъминлашнинг устувор вазифалари этиб белгиланган.
Ундан ташқари, фуқаролар ва тадбиркорларга ўз ҳуқуқ ва қонуний манфаатларини судларда ҳимоя қила олиши учун барча имкониятларни яратиб, тортишув ва тарафларнинг тенглиги тамойилларини тўлақонли руёбга чиқариш, ҳолислигини амалда таъминлаш бўйича чора-тадбирлар белгилаб қўйилган. Соҳани тўлиқ рақамлаштириш, масофадан туриб иштирок этиш имкониятларини кенгайтириш, суд қарорларининг қатъий ижросини таъминлаш, судьялар ва суд ходимларида юксак муомала маданиятини шаклантириш кабилар ҳам кўзда тутилган.
Ушбу вазифаларнинг бажарилиши суд-тергов фаолиятида фуқароларнинг ҳуқуқлари, эркинликлари ва қонуний манфаатларини ишончли ҳимоя қилишни таъминлашга, уларнинг шаъни ҳамда қадр-қиммати камситилишига йўл қўймасликка хизмат қилади. Шу билан бирга, суд ва тергов органлари масъулиятини янада кучайтириб, аҳолининг ҳуқуқни муҳофаза қилувчи органлар ва судга бўлган ишончини оширади.
Қ.Атамурадов, Фуқаролик ишлари бўйича туман суди раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
