ЮКСАК ЭЪТИРОФ ЯНГИ МАРРАЛАРГА ЧОРЛАЙДИ
Эркин ва озод мамлакатда яшаб, меҳнат қилсанг, меҳнатларинг муносиб баҳоланса - бу улкан бахт! Буни мен ўз ҳаётимда бошимдан кечирмоқдаман. 1 декабрь куни Қорақалпоғистон Республикаси Жўқорғи Кенгесида бўлиб ўтган тантанали йиғилишда мамлакатимиз мустақиллигининг 23 йиллиги муносабати билан меҳнатда алоҳида ўрнак кўрсатгани учун мукофотланганларга давлатимизнинг юксак мукофотларини топшириш маросими бўлиб ўтди.
Уларнинг сафида бизнинг туманимиздан "Меҳнат шуҳрати” ордени билан мукофотланган туманимиз ҳокими Ражаббой Йўлдошев, "Шуҳрат” медали соҳиби бўлган Отахон Қурбониёзовлар қатори менга ҳам "Қорақалпоғистонда хизмат кўрсатган пиллакор” Фахрий унвони тантанали равишда топширилди. Шунингдек, туман прокурори Фарҳод Алламбергенов ҳамда туман ИИБ бошлиғи Омонбой Ўринбоевларга эса Қорақалпоғистон Республикаси Жўқорғи Кенгесининг фахрий ёрлиғи топширилди.
-Энг қувонарлиси, Қорақалпоғистон Республикаси Жўқорғи Кенгеси Президиумининг қарори билан Республикамиз қишлоқ хўжалигини ривожлантиришдаги самарали меҳнатлари, соҳада амалга оширилаётган ислоҳотларни жадаллаштиришдаги ташаббускорлиги, мамлакатни ижтимоий-иқтисодий ривожлантиришга қўшган салмоқли ҳиссалари ва 2014 йилги пахта топшириш бўйича йиллик шартномани бажаришдаги фидокорона хизматлари учун Амударё тумани ҳокимлиги Қорақалпоғистон Республикаси Жўқорғи Кенгесининг Фахрий ёрлиғи билан мукофотланди. Бу эътироф нафақат қишлоқ хўжалиги соҳаси ходимларини, балки ҳар бир амударёлик қалбини ғурур-ифтихорга тўлдиради.
Биз шу муҳташам мажлисхонада ўтириб, келгусида янада улуғвор ишларга ўзимизни чоғладик. Кучимизга куч қўшилгандай бўлди. Бу куч-ғайратимизни келгусида туманимизнинг янада равнақ топишига сафарбар этамиз.
Гулсаур НАҒМЕТОВА,
Қорақалпоғистонда хизмат кўрсатган пиллакор.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
